Popular Bible Verses from गलाती 3

Share

गे गेमासयो·धुज़्‍याव कानुननिकाव दैव परिन्‍या सजाल ओल ख्रीस थाँसिद क्रुसत तङ्गैसिद गेसजा भरी घुर्द नो सजानी पले·सिक्‍यो। धर्मसास्‍त्रलाव सर्सिउ मिताव ज़, “क्रुसत तङ्गैसिद सिज़्‍याव भरी परमेस्‍वरए ओसजा दैवर ज़।”

हाःकिन जे यहूदी मायहूदी है लिन्‍या ओमेला ब माले, बाँदा माबाँदा है लिन्‍या ब माले, खेपा मेंमा है लिन्‍या ब माले, प़ाइँ ज़ येसु ख्रीसनी तोबो ज़ जेताके।

ख्रीसए उमींर जेतावए जे ब अब्राहामए ओथोलाव य़ाकालाव असिक दैवर ब जेताके।

परमेस्‍वरए अब्राहामलाई ओयो असिक छुत जातलाव मिँराए मनी येसु ख्रीसए ओक्‍याँनी ज़ दैज़्यार। ननी ज़ फरी गे ओललाई गेयुँ हुप्‍ज़्याव भरिए परमेस्‍वरए है दाद ओनैसिज़्‍याव छैंव उपुरूस ब गेदैज़्‍या।

परमेस्‍वरए ओङ़ाक कानुनलाव य़ेननी सु ज़ परमेस्‍वरए उयुँलाव मिताव माताधुर। काराव ल्यो ताकिन धर्मसास्‍त्रलाव सर्सिउ मितावनी ज़, “उयुँ हुप्‍द परमेस्‍वरस खैव मिँ वाज़ बाँचिज़्‍या।”