Popular Bible Verses from Ngre 2

Share

APoththuruc othïat tit itti, “Nokkaprttako nti ilon ilokithak annocco mamuthie ngkꞌran koIeccuo oMiccie, alon lon ilokithak occïkakinthet non. Ana Kapik kethet non Kanang ikupupure.

Okin thiꞌrikathe ilon lothongkene loul wothothïlettat woIeccuo akin aukko tothun akin oꞌrko thuꞌrit ithun ana thuꞌrit thoIli thocipin ana aꞌra ngaꞌrama.

Kanang ikupupure koppappakathe iakin ana okin thikkatheik akin ere ngkarru ikakin thokat thommat ere ammakka Kanang kiniet kin.

Ittina apoꞌre pꞌrek akkakat accokkot pokanang akokkurarot koppot ntothiꞌrot ana koppakathe man nakin thokat cik akin ikkoik. Okin thimmakathe aꞌrupu wꞌrek wungkot luꞌre lolik ana wakkakathe aꞌrat noꞌra wen kurekkurek appik ammakka okin thokat cik. Kanang ikupupure koppappakathe iakin ana okin thikkatheik akin ere ngkarru ikakin thokat thommat ere ammakka Kanang kiniet kin.

Okin thikkatheik akin ocurttot noppan toKapik appinappin. Ana akin oꞌrko thuꞌrit thoIli thocipin tothun ana okin thoꞌrkothe ikaman mmïkït moporot, aul wꞌrek omerekat Kapik ana opira noka nothoporot thoul iakin thaik. Ana Ili wikkatheik arttot ul nakin appinappin iokat cik aꞌrettat.

‘Nocaꞌri cothocothakot Kapik kiꞌret itti, Mpethet ul appik Kanang kin ikupupure. Nyukul inyomura ana inyari nyere lon ammakka ul wothernte lon loul woKapik, ul wang iomura wimma lon ilaik ana ul iocokkat wathantako thathantako.

Okin ithoccokathe lon loKapik thokakathe ithun ana akin ikkettot aꞌrupu ana okkot lon appik tothun. Akin okette aꞌrupu wen akin ikket ul aꞌrupu iellat aꞌrupu cik.

Ana okkwi ipaꞌra ngaꞌrama ngkꞌran koIli kwaꞌrettat.’”

Cïngkï cathakka ngïꞌrïmak ana kwanok kaꞌriat cik ere ngüccük, acaꞌri carthuk anthan icïrïk ana cothrïk thoIli.