Popular Bible Verses from SUAHTULNAK 6

Share

Mah hangin nangmah in Israel tei lakah ka thu cu hilhin hi, ‘Keimah cu TOPA ing. Izipt mitei nadeh haksazet sung pen luattik tung a, a sal haw na hihnak sung uh pepan tung hi. A lauhuai bawlsiatnak tuah a thu haw khen tung a, ka baantha ngil tuah hup tung hi.

Ka mihingin bawl tung a, keimah cu na Pathian uh hi tung hi. Izipt mitei sal hihnak pen a suahtultu TOPA na Pathian uh ka hihlam thei tuk uh ci.

Ka tepsa mi ngamah henpih tung a, Abraham, Isaak le Jakob lakah ka tepsa mi cu nangmuta tukin pia tung hi. Keimah cu TOPA ing,’ ti hi,” tin ti hi. Moses in Israel tei lakah Pathian i hilh bangin hilh hi. Mahnaven Moses i thu hilhmi cu ngai kha haw ma; itahim titale a sal thuaknak haw nase leita hangin a lungbing le amthongin, a um khawng haw hang hi.

Pathian in Moses lakah, “Tu pepanin kumpi lak a, ka bawl tukmi cu mu tuk ci. Ka mihingte hah tukin ka cahnak tuahtik hihim tung. Mahnung ten amah hihimin, a ngamsung pen nuam ngawl zazalin hawlvawk tuk,” ti hi.