Popular Bible Verses from ROME-TE 12

Share

Tam leitung mite dan bangin om sih unlen, a hoi, a sanhuoi le a bukim Pasien’ deina bang ahei, ci-in na khinkhai thei nadingun na lungsim uh thasuosah unlen na lim uh na kilamdang sah un.

Tua ahi tah ziehin sanggamte aw, Pasien tungah a siengtho le a santah hingtang biehpiehna bangin na pumpite uh na pieh nadingun Pasien’ hepina zalin kang thum hi, tua khu na hlagau biehpiehna uh ahi hi.

Kinepna-ah lungdam unlen, gimna ang tun ciengin thuoh keikui-in thunget na pawnthaw mama un.

Sietna in kizo sah sih unlen sietna pen hoina tawh na zo zaw un.

khatlekhat na ki-it tuoh unlen ki-zatah bawlna lamah khatlekhat a sangzaw-in na kidem un.

Itna pen a tahtah hi heh; gitlona huo unlen sil hoi na tukon un

Ahi thei leh no thu ahi laisie mi zosie tawh na kilem un.

Ka itte aw, no le no phu na kila sih unlen, Pasien’ lungthahna dingin mun na awn zaw un; bangzieh ahei cile, “Phulahna keima-a’ ahi a, keima in ka thuhkia ding hi, ci-in TOPA in a gen hi,” ci-in kigiel hi.

Pawnthawna lamah na thasie sih unlen lungsim thalawp tahin TOPA’ na sem un.

Bangzieh ahei cile keima ei kipie hepina ziehin note lah mi zosie tunga kang gen nuom thu in, na hina za sanga a sangzaw-in no le no na kingaisun sih unlen, Pasien in note ang pieh upna za tawh kizui-in a kilawm cieng bep khatin kingaisun zaw un.

Mi khatpo’ gitlona pen gitlona ma tawh na thuhkia sih un. Mi zosie muna-ah a kilawm pen dingin na ngaisun zaw un.

Khatlekhat na kithuhuol un; kiliensah sih un; tuolniem mite tawh na kigop unlen, no le no a pilin na kingaisun sih un.

Hi lo hi, “Na galpa a gil a kiel leh an pie-in a dangta leh a dawn ding tui na pie un; azieh pen tam banga na bawlna ziehun a lutung vuah meikamsa a buohsuh na hi ding uhi,” a ci hi.

Ang bawlsiete thupha na pie unlen, amate samsie loin thupha na pie un. A lungdamte tawh lungdamton unlen, a kapte tawh kapton un.

Misiengthote a kisapna bangin na hawm unlen, lengla na do siem un.

Bangzieh ahei cile eite in pumpi khat tungah pumpi’ nate tampi i nei vua, tua nate zosie in a nasepnate uh a kibah lo ma bangin, a tampi ahi eite zong Khris sungah pumpi khat i hi vua, eite khatlekhat pumpi nate i hi uhi.