Popular Bible Verses from GALATIA-TE 6

Share

Tua ahi ciengin na hoi sep ding cimtah sih vai, azieh pen lungkie lo-a i sep nah po leh a hun tun ciengin a ga i at ding hi.

Tuaci’n hun lemtang i nei petun mi zosie adingin sil hoi bawlin, a deudeu-in upna lama innkuonpite tungah bawl vai.

Khatlekhat vangih na kipuohpi un, tua hile tam bang dan tawh Khris’ thukham na tangtun ding uhi.

Mi kisolsah sih un; Pasien pen simmawbawl thei ahi sih hi, bangzieh ahei cile na vaw bangin na atkia ding hi.

Cilesa ading khaici na vaw leh cilesa panin sietna na at ding hi; ahi vangin Hlagau adingin khaici na vaw leh Hlagau pan ma-in kumtawn hinna na at ding hi.

Ka lawmte aw, mi khatpo in khielna bawl hi, ci-a na thei uleh Hlagau a ngasa note in lungsim nunnem tawh tua mipa na phongkia ding uhi. Ze-etna na thuoh lo nadingun no le no kikem un.

Azieh pen bangma ahi lote a kithupi ngaisut uleh amau le amau kisol ahi uhi. Mi zosie in a vengte’ nasepna tawh ki-ette zaw loin amau’ nasepna ciet kisittel phot uheh; tua hile a kisielna uh ahang pen a nasepna uh ahi ding hi. Bangzieh ahei cile mi zosie in amau’ van ciet a puo ding uhi.