Popular Bible Verses from EPHESUS-TE 6

Share

Bangzieh ahei cile eite do pen tahsa le sisan nei galte hi loin, uhna neite, thuneinate, tu hun tami leitung khuomiel vanglietnate, le vantung munte a om hlagau gilo galkapte ahi zaw uhi.

Hun zosie-ah Hlagau Siengtho tawh thungetna namcin le thumna namcin na nei un. Tua banga na bawl thei nadingun pilvang unlen, misiengthote zosie adingin thu na ngetpieh zing un.

Dawimangpa’ solna na nan zawh nadingun Pasien’ galvan bukim tawh kivon un.

Tua ahi ziehin sietna ni ang tun ciengin na nan zawh nading ule sil bangkim na sep zaw ciengun na dinkip zawh nadingun Pasien’ galvan bukim keng un.

Gilopa’ meikuong thaltangte na suhmit zawh nadingun tam teng zosie tawh upna lum na tawi un. Hutdamna sia lukhu le Pasien’ kammal ahi Hlagau namsau tawi un.

Tua ahi ziehin na kawng vuah thutah kawnggah gah unlen, dihna awmdal tawh kivonin ding un. Kedap bangin na keng vuah kilemna lungdamna thu bulin a baisa-in om un.

A tawpna-ah TOPA sung le ama’ vangliet thahatna sungah thakhauh un.

“Na nu le na pa zatah in,” tami in kamciem tawh kikop thupieh masa pen ahi hi: “Tuaci’n leitungah note nuomsa-in na dam sawt ding uhi.”

Tate aw, TOPA sungah na nu na pate uh na it un, azieh pen tami khu thudih ahi hi.