Popular Bible Verses from DANIEL 3

Share

Shadrach, Meshach, le Abednego-te in kumpipa kungah, “Nebuchadnezzar aw, tam thu tawh kisai-in nangma kungah ka kihut ding uh kisam ka sa sih uhi. Kumpipa aw, a na ka sep uh kote’ Pasien in meilipi pan le na khut sung panin ei hutkhiet zo leh kote ei hunkhie taheh. Ahi vangin kumpipa aw, ei hutkhiet zo sih leh zong na pasien-te’ na ka sem tuom sih ding vua, na phusa kham milim zong ka bie tuom sih ding uhi, ci thu kithei ta’n,” a ci uhi.

Ama in, “Ahi vangin keima in a kikanbawm loin mihing li meili lai-ah a vah kawikawi ka mu a, zong a liem beh sih uhi; tua a lina pa in pasien khat’ melpuoh dan a nei hi,” ci-in a dawngkia hi.

Nebuchadnezzar in, “Shadrach, Meshach, le Abednego-te’ Pasien, a vantungmi sawlin ama a muong a nasemte a hunkhie pa in thupha nga taheh. Amate in a Pasien uh longal pasien dangte khatpo’ na semin a bieh ding uh sangin kumpipa thupiehna mang loin a pumpi uh a si ngamzaw uhi.

Tua ahi ziehin keima in tam bang thupieh khat ka bawl hi: Koi mi, koi nam, koi hamin ham zongle Sharach, Meshach, le Abednego-te’ Pasien a gensie tapo a khut a keng ki-ehmal ding a, a innte uh kisusie ding hi; azieh pen tam banga mi hunkhie thei pasien dang om lo hi,” a ci hi.