Popular Bible Verses from YEHESKIEL 18

Share

Amarga Ingsun ora rena, manawa wong kudu nanggung patine. – Mangkono pangandikane Pangeran Yehuwah. – Mulane padha mratobata, supaya sira urip!”

Wong kang nglakoni dosa, iku kang kudu mati. Anak ora bakal melu nanggung kaluputane bapakne lan bapa ora bakal melu nanggung kaluputane anake. Wong mursid bakal tampa berkahing kamursidane lan wong duraka bakal nanggung durakane dhewe.

Padha mbuwanga sakehing duraka kang padha sira tandukake marang Ingsun lan atinira sarta rohira padha sira anyarna! Yagene sira bakal padha mati, he turune Israel?

Apa Ingsun rena marga saka matine wong duraka? – mangkono pangandikane Pangeran Yehuwah. – Apa ora marga saka pamratobate supaya urip?

Nanging manawa wong duraka mratobat lan ngunduri sakehing dosa kang dilakoni tuwin ngugemi sakehing katetepaningSun sarta nindakake kaadilan lan kabeneran, iku mesthi urip, ora bakal mati.

lakune manut katetepaningSun lan tansah nglakoni pranataningSun kalawan setya – yaiku wong kang mursid lan mesthi bakal lestari urip. Mangkono pangandikane Pangeran Yehuwah.