Popular Bible Verses from DUNGWVNC 3

Share

Tishox rueq, “Ngaz kuex Ngaz rvtauk. ‘Ngaz rvtauk ngoz tueq kvmuingc jix waz rueq nuimshiq kox nuex ngaz tvkaz phuex,’ ngoz tueq Israel miqsaz muex jungx kuq shuiuz.

Tishox rueq, “Ngaz kuex mnoz rulc vdvmz httax taungx, mnoz rueq miq htenc kuex Ejip mungx wawc tvdung shvlx wvnc vtueq, vruex kanx vmaq ngaz muex nawk palx kuq phuinx. Vruex kuex ngaz rueq mnoz tvkaz phaungx lvmz hakhix rvtuex,” ngoz tueq jungx tueq.

Tishox rueq, “Nyek hvlc nuex nauk kaz vkueq. M-yaz paungc kuex put shuiuz, yvmx khoc lac ngoz ruiux lec mnoz jvp vtuiux baung kuex vsawc rvtueq.

Kvruex yimaq Yehowa rueq, “Ngvy miqsaz htenc Ejip mungx nuex kuilc daz rvhumc yaq kuex ngaz rueq rvkhauk laz khiz tauk; tsuingshiq muex nvrc jix hez rueq guirguenz yaq kuex nanx lot muq ningkhvnc nuex tsuingshiq muex romc lawc kuy tvkoc guyc sez kvjaz kuex ngaz rueq tay tauk. Tsuingshiq rvhumc yaq htemc vrvmc lotlaz ngaz rueq tuiuz yaq, kvkhoc rvtueq Ejip miqsaz yauk wawc tsuingshiq kuex palc wvnc vtueq, Ejip mungx maq tvdung wvnc ruiux, puix nuiyc nyaq ngurx dung yaq mungx nuex tsuingshiq kuex shvlc wvnc tvkoc ngaz svt kaz tauk. Kvruex mungx kvyuq Kanaan, Hitti, Amori, Perizi, Hiwit nuiyc Jebusi phvnx htenc majuiuc httax wuez yaq

Kvruex baung kvyuq Yehowa raungkamx waz kuex rumz vshiz mungx kvmaq wvrluic ikhoc dung kaz tueq. Rumz nuex wvrluic thuiyc yaq kuex Moshe rueq khiz tueq, yuq muinz rumz kuex khamc muq.

Majuiuc ngaz rueq mnoz kuex Ejip hokhvmx waz kox nuex tvkaz vphaungx, kvkhoc rvtueq mnoz rueq ngvy miqsaz htenc kuex piq mungtan wawc tvdung kaz kuiuz,” ngoz tueq jungx tueq.