Popular Bible Verses from 1 Corintios 6

Share

Utz ¿yetz etootzaj tzik aas tatibꞌal u Tioxhla Espiiritu vechiꞌl? Tan u Tioxh aqꞌon viTioxhla Espiiritu sete vaꞌl atil sekꞌatza. Ech yitꞌ ex koj ibꞌaal vechiꞌl. Sibꞌ u jaꞌmel taqꞌ u Tioxh setiꞌ. Ech oksataj iqꞌii u Tioxh tuchꞌ vechiꞌl utz, tuchꞌ vetaanxelal tan, tetz u Tioxh.

Utz yeꞌ koj etootzaj aas abꞌil qꞌuꞌl yeꞌxhkam niꞌan vinujul saꞌkojetzan tiꞌ viQꞌesalail u Tioxh taabꞌabꞌen. Ech esotzsach jeꞌ ekꞌuꞌl; etilchoꞌk etetz tiꞌ qꞌu eesanibꞌ tu bꞌey tuchꞌ aanima, qꞌu nachol bꞌanich tioxh utz; nikoꞌxh qꞌuꞌl nitiqꞌo jeꞌ tetz vinajil, tetz ixojil. Utz nikoꞌxh qꞌu elqꞌom; nikoꞌxh qꞌuꞌl yeꞌk chit inooebꞌal tiꞌ txꞌiibꞌal qꞌii; nikoꞌxh qꞌu qꞌabꞌareel; nikoꞌxh qꞌu alol tzꞌejbꞌal yol tiꞌ imol utz; nikoꞌxh qꞌu subꞌul. Kajay saꞌkojetzan tiꞌ viQꞌesalail u Tioxh taabꞌabꞌen.

Uncheeꞌ kuentaꞌex; eteesach etibꞌ tu bꞌey tuchꞌ aanima. Tan abꞌil vaꞌl niteesa tibꞌ tu bꞌey tuchꞌ aanima, vichiꞌl niyansa vatz u Tioxh. Yitꞌeꞌch aꞌ tereꞌn qꞌu paav tan; nikojtok u chiꞌl tuul.

Uncheeꞌ setabꞌi tan, kajay qꞌu kam nikubꞌaneꞌ, bꞌaꞌn nikunacheꞌ. Loqꞌ yitꞌ bꞌaꞌn koj aas kajay sakubꞌaneꞌ. Kꞌuxh kajay qꞌu kam bꞌaꞌn nikunacheꞌ, saꞌkojqaqꞌ qibꞌ sisubꞌoꞌ maꞌj te.

Tan aꞌ saqꞌaavitzꞌpixsan u kuchiꞌl u Tioxh tu u mam iyakꞌil. Echaꞌ u qꞌaavtitzꞌpixsal u Jesuus xoꞌl qꞌu kamnaj iꞌana.