Popular Bible Verses from भजनमैं 91

Share

याहवेहए बारेर ङ बिब्मुँ, “खी ङए ग्वार योंबै क्‍ल्‍ह्‍यो नेरो ङए किल्‍ला ग, खी ङए परमेश्‍वर ग, खीए फिर ङइ भर थेंम्।”

ताँन् भन्दा थेबै परमेश्‍वरने ग्वार ह्रिबै म्हि तोन्दोंरि लल् खाँबै परमेश्‍वरए छरि न्होंर टिरिब्मुँ।

चइ ग्वार ह्रिमा ङइ चलाइ ज्वाफ पिंब्मुँ; चए दुःखर ङ चने बालु तब्मुँ; चए दुःखउँइँले ङइ फ्रेमिंब्मुँ, धै चलाइ थेब् लब्मुँ।

तलेबिस्याँ प्रबै घ्याँजरे क्हिलाइ जोगेबर खीजी ह्रोंसए स्वर्गदूतमैं कुलब्मुँ।

खीजी ह्रोंसए प्ह्‍यागोंइ क्हिलाइ हुमिंब्मुँ, धै खीए प्ह्‍यागों न्होंर क्हिइ ग्वार योंब्मुँ; खी भर लल् खाँबै परमेश्‍वर ग, छतसि ढाल तसि खीजी क्हिलाइ रक्षा लमिंम्।

याहवेहने क्हि टिरिम्, ताँन् भन्दा थेबै परमेश्‍वर क्हिइ ग्वार योंबै क्‍ल्‍ह्‍यो तइमुँ। छतसि क्हिल तोइ नोक्सन् तरिब् आरे, क्हि टिबै धिं ङाँर ह्रिंमैं खरिब् आरे।

नमे सैब्मैंए ङोउँइँले नेरो आछ्याँबै ह्रिंउँइँले खीजी क्हिलाइ खैलसेया जोगेमिंब्मुँ।

क्हिए रेर हजार घ्रि म्हि धै क्हिए क्योलो योउँइँ हजार च्यु म्हि क्हुरियाले या च सैइ क्हिलाइ स्यारिब् आरे।

म्हुँइँसर ङ्हिंन् लखबै सैउँइँले नेरो त्हिंइर प्हुरसि खबै मेउँइँले क्हि ङ्हिंल् त्हुरिब् आरे। मिछु खैबर खबै ह्रिं, नेरो त्हिंइ आधार नास लबै नब् छबउँइँले क्हि ङ्हिंल् त्हुरिब् आरे।