Popular Bible Verses from भजनमैं 84

Share

तलेबिस्याँ याहवेह परमेश्‍वर त्हिंयाँ नेरो ढाल ग; याहवेहजी दयाम्हाँया लमुँ धै मान इजेत पिंम्; ठिक घ्याँर प्रब्मैंलाइ खीजी ताँन् छ्याँबै सैमैं पिंब्मुँ।

अरू क्‍ल्‍ह्‍योजरे हजार त्हिंइमैं थोब् भन्दा क्हिए ह्‍युमैंर तिगें टिब छ्याँब तम्। दुष्‍टमैंए तम्बुमैंर टिब् भन्दा बरु ङए परमेश्‍वरए धिंर रुँबै म्हि तब ङलाइ खोम्।

क्हिउँइँले भों योंब्मैं, नेरो सियोन कोंर ह्‍याबै सैं लब्मैंइ आशिक योंम्।

याहवेहए धिंर टिबै ल्हागिर ङए सोइ थेबै इच्छा लम्, धै मूर्छ तम्; ङए खों नेरो ज्युइ सैं तोंसि खोंयोंन् बिलै तरिबै परमेश्‍वरलाइ क्वे प्रिंम्।