Popular Bible Verses from भजनमैं 68

Share

प्रभुए मिं थेब् तरिगे! ङ्योलाइ जगेमिंबै परमेश्‍वर खीन् ग, त्हिंइ ह्रोंसे ङ्योए दुःख खीजी नोमिंम्। तिस्याँदे मैंन्

ह्रोंसए पबित्र क्‍ल्‍ह्‍योर टिबै परमेश्‍वर आबा आरेब्मैंए आबा ग, धै खीजी म्हरेस्योमैंलाइ रक्षा लमिंम्।

खाबै आरेबै म्हिमैंलाइ खीजी परवा पिंम्; झेलर मुँब्मैंलाइ तेसि सैं तोंल् पिंम्; दिलेया परमेश्‍वरजी बिब् आङिंब्मैं बिस्याँ त्हिंयाँइ ख्रोंबै क्‍ल्‍ह्‍योर टिम्।

ङ्योए परमेश्‍वर जोगेमिंबै परमेश्‍वर ग। याहवेह ङ्योए प्रभु ग, खीजीन् ङ्योलाइ सिबउँइले सोगों लमिंम्।