Popular Bible Verses from भजनमैं 51

Share

ओ परमेश्‍वर, ङए खों छ्याँब लमिंन्, धै ङलाइ ठिक सैं पिंन्।

क्हिजी पिंबै मुक्‍तिउँइँले धबै ङ सैं तोंन् लमिंन्, धै आछ्याँबै केमैं या लदा आङ्हाँबै सैं पिंन्।

क्हि ङाँइँले ङ आस्योमिंन्, धै ङ ङाँइँले क्हिए पबित्र प्ल्ह आबोमिंन्।

ङ पापि ग बिसि मैंबै सैंन् परमेश्‍वरजी खोबै ख्रो ग; ओ परमेश्‍वर, ङइ आछ्याँबै के लना बिसि न्हुँ लबै म्हिलाइ क्हिजी म्हाँया लम्।

ओ परमेश्‍वर, क्हिए खोंयोंइ आनुबै म्हाँयाइ ङए फिर ल्हयो खमिंन्। क्हिजी लबै थेबै म्हाँयाउँइँले ङए पापमैं त्होमिंन्। ङइ लबै ताँन् आछ्याँबै केमैंउँइँले ङ फ्रेमिंन्, धै ङए पाप त्होमिंसि ङ चोखो लमिंन्!

लुँडइ ङए सैं म्यामिंन् धै ङए सैं छ्याँब तब्मुँ; छले ख्रुमिंमा ङ चोखो तसि क्लिं भन्दा तार्ग्या तब्मुँ।

क्हिए बिरोधर्न ङइ पाप केमैं लइमुँ, धै क्हिजी आखोबै केमैंन् ङइ लइमुँ, छतसि क्हिजी ङने बिबै ताँ क्ह्रोंसेंन् ग, धै क्हिजी लबै निसाफ ताँनए उँइँर ठिक मुँ।