Popular Bible Verses from भजनमैं 34

Share

सैं चोयाब्मैंने बालु याहवेह तमुँ; धै सैं सियाब्मैंलाइ खीजी सैं क्होल् लमिंमुँ।

ङइ याहवेहने ग्वार ह्रिमा खीजी ङलाइ ज्वाफ पिंइ धै ङलाइ ङ्हिंन् लबै ताँन् सैमैंउँइँले ङ फ्रेमिंइ।

ठिक के लबै म्हिए फिर ल्हें दुःखमैं खमुँ, दिलेया याहवेहजी चए ताँन् दुःखउँइँले फ्रेमिंम्।

याहवेहजी कति ल्हें ल्हयो खमुँ बिसि ह्रोंसैन म्हैसि क्होद्। खीए प्हलेर्न ग्वार योंबै म्हिइ आशिक योंमुँ!

खी ङाँइ ङ्ह्‍योब्मैं बेल्‍ले सैं तोंल् योंब्मुँ, धै फा पिसि चमैंए क्र खोंयोंइ कुरल् त्हुरिब् आरे।

ठिक के लब्मैंइ ग्वार ह्रिमा याहवेहजी थेमुँ धै चमैंए ताँन् दुःखउँइँले फ्रेमिंम्।

याहवेहलाइ मान लब्मैं ताँनए कारग्युले खीजी खीए स्वर्गदूत रुँबर ल्हैदिम्, धै चमैं जोगेमिंम्।

आछ्याँबै के लबउँइँले एखो धै छ्याँबै के लद्; आक्ह्रिबै म्हिमैं क्ह्रिमिंन्, खोंयोंन् बिलै छाबन् के लरिद्।

ह्रोंसए लेइ आछ्याँबै ताँ आपोंन्, धै ह्रोंसए म्हदेइ स्योर आतेद्

याहवेहजी ठिक के लब्मैंए फिर मि छरिमुँ धै चमैंए ताँ थेम्।

ङने बा-बालुन् याहवेहए मिं थेब् लद्, धै ङ्यो खागु तसि खीए मिं कैंडो लले!