Popular Bible Verses from भजनमैं 139

Share

ङ औदिले छेन्ले बनेइमुँ, छतसि ङ क्हिए मिं थेब् लमुँ। क्हिए केमैं औदिबै मुँ बिब ङइ छेनाले सेइमुँ।

ओ परमेश्‍वर, ङ जाँचेदु, धै ङए खोंर्बै ताँमैं सेदु! ङ जाँचेदु, धै ङए न्हुँ कति ल्हें मुँ बिसि क्होमिंनु! आछ्याँबै घ्याँर प्रइमुँ उ बिसि ङ जाँचेदु, धै खोंयोंइ आखाँबै छ्ह योंबै घ्याँर ङ डोरेमिंनु।

क्हिजीन् ङए न्होंर्बै भागमैं बनेइ, क्हिजी आमाए फो न्होंर ङ केमिंइ।

क्हिजी ङए आबनेबै ज्यु म्रोंइ। ङ कति सोल् योंम् बिसि ङ फिब् भन्दा ओंसोंन् क्हिए कितबर प्ह्रिथेंल।

ओ याहवेह, क्हिजी छेनाले ङए जाँच लइमुँ, धै ङ खैब मुँ बिसि क्हिजी सेइमुँ।

क्हिए प्ल्हउँइँले ङ खनिरै ह्‍याल् आखाँ! धै क्हिउँइँले ङ खनिरै भौदिल् आखाँ!

ङ टिब नेरो राब क्हिजी सेइमुँ, ङए सैंर मैंबै ताँ क्हिजी ह्रेंगोउँइँलेन् क्होमुँ।

ओ याहवेह, ङए सुँइ तोइ ताँ पोंब् भन्दा ओंसोंन् ङइ तो बिल् म्हैइमुँ बिब क्हिजी छेनाले सेइमुँ।

ङ बैरु ह्‍यालेया धिंर रोलेया ङलाइ तो तइमुँ बिसि क्हिजी छेनाले सेम्, धै ङइ तो लइमुँ बिब क्हिजी ताँन् सेइमुँ।