Popular Bible Verses from भजनमैं 103

Share

ओ ङए सो, याहवेहए मिं क्वेद्; धै खीजी लबै छ्याँबै केमैं आम्‍लेद्।

क्हिइ लबै ताँन् छेरन् ङ्हाँबै केमैं खीजी क्षमा लमिंम्; धै क्हिए ताँन् नब-छब सल् लमिंम्, खीजी क्हि कालउँइँले जोगेमिंम्; धै मुकुट कुब् धोंले खीए खोंयोंइ आनुबै म्हाँया नेरो क्हिए फिर खीजी ल्हयो खम्। क्व्रे धोंले क्हिए छ्ह धबै छारा तरिगे बिसि छ्याँ-छ्याँबै सैमैं पिंसि खीजी क्हिलाइ सैं तोंन् लमिंम्।

ओ ङए सो, याहवेहए मिं क्वेद्; ओ ङए खों, खीए पबित्र मिं थेब लद्!

खैले आबाइ ह्रोंसए च्ह च्हमिमैंए फिर ल्हयो खमुँ, छलेन खीलाइ मान लब्मैंए फिर याहवेहजी ल्हयो खम्।

स्यारउँइँले (पूर्व) न्हुँर (पश्‍चिम) कति ह्रेंगो मुँ, ङ्योइ लबै छेरन् ङ्हाँबै केमैं खीजी च्हगन् ह्रेंगो स्योवाइमुँ।

याहवेह ल्हयो खब नेरो दयाम्हाँया मुँबै परमेश्‍वर ग, युनन् ह्रिस आखब, ताँनए फिर खोंयोंइ आनुबै म्हाँया लब नेरो भर लल् खाँब मुँ।

ङ्योइ कति थेबै पाप ललेया ङ्योइ लबै पापए दण्ड खीजी ङ्योलाइ आपिं, धै ङ्योइ आछ्याँबै के ललेया ङ्योइ लबै छेरन् ङ्हाँबै केमैंए दण्ड खीजी आपिं। तलेबिस्याँ पृथ्‍बीउँइँले मु कति नुब मुँ, खीलाइ मान लब्मैंए फिर खीए खोंयोंइ आनुबै म्हाँया या च्हगन् थेब मुँ।

याहवेहए राजगद्दि स्वर्गर मुँ, ताँनए फिर खीजी ग्याल्स लम्।