Popular Bible Verses from उत्पत्ति 49

Share

यहूदाए योउँइँले म्रुँए प्हरे स्योरिब् आरे, चए क्ल्हे आखन् समा, ग्याल्स ओलेबै प्हरे चए प्हलेए प्हाँइले स्योरिब् आरे। छतमा ह्रेंमैंइ चइ बिबै ताँ ङिंब्मुँ।

“योसेफ बेल्‍ले रो-रोबै झ्याल् घ्रि ग, क्यु मुल ङाँर्बै रो रोबै झ्याल् ग। चए हाँगमैं गाराए फिफि ख्ल्याँब्मुँ। मेत्हँले प्रिंब्मैंइ चलाइ बेल्‍ले दुःख पिंब्मुँ। चए फिर मेत्हँलेइ प्रिंसि चलाइ ल्हाब्मुँ।

दिलेया इस्राएल जोगेमिंबै पारा नेरो प्ह्रोंछैंउँइँले याकूबइ म्हाँदिबै भोंबै परमेश्‍वरए योउँइँले योसेफए त्हँले आकुरा, धै चए यो भोंब तरिब्मुँ। क्हिए आबाए परमेश्‍वरजीन् क्हि ल्होमिंम्। तोन्दोंरि सै लल् खाँबै परमेश्‍वरजी क्हिए फिर आशिक पिंम् ताइ स्वर्गर्बै आशिकमैं, माइ क्रों न्होंर्बै आशिकमैं, ल्हें ल्हें सन्तानमैं तबै आशिकमैं पिंम्।

“ओ यहूदा, क्हिए आघें-अलिमैंइ क्हिए मान लब्मुँ। क्हिए योइ क्हिए शत्तुरमैं ट्होसि चमैंए खरि क्हाब्मुँ। छतसि क्हिए आबाए च्हमैं क्हिए ओंसों कुरब्मुँ। ओ यहूदा क्हि भोंबै सिंह धों तब् ग। ओ ङए च्ह हेउँइँले फो सैसि क्हि युइमुँ, क्हि कुरमुँ धै सिंह धोंलेन् रोरिमुँ। सिंह आमालाइ धोंले खाबज्यै क्हिलाइ रेबै आँट लरिब् आरे?

“रूबेन क्हि ङए च्ह थब ग, ङए भों मुँबै त्हेर्बै ओंसोंबै शक्‍ति नेरो भोंए रो ग। मान नेरो शक्‍तिर ताँन् भन्दा क्हि थेब ग। दिलेया क्युए भेल धोंले छाइ माइ तब क्हि। तलेबिस्याँ क्हिए आबाए खाडर क्हि क्रेसि ङए खाडए आब्रु वाइ। ङए क्ल्ह्‍योर क्हि क्रेइ! छतसि क्हिए आब्रु टिरिब् आरे।