Popular Bible Verses from प्रस्थान 6

Share

“छतसि ‘ङ याहवेह ग’ बिसि इस्राएलीमैंने बिद्। ‘ङइ क्हेमैंलाइ मिश्रीमैंइ पिंबै दुःखउँइँले फ्रेमिंब्मुँ, धै चमैंए केब्छैं तसि टिल् त्हुबइले तेइ पखब्मुँ। ङए भों मुँबै यो रेसि चमैंए फिर ङ्हिंन् ङ्हाँबै दुःख पिंसि क्हेमैंलाइ जोगेमिंब्मुँ।

ङइ क्हेमैंलाइ ङए म्हिमैं तल् पिंब्मुँ, धै ङ क्हेमैंए परमेश्‍वर तब्मुँ। मिश्रीमैंए कब्छैं तसि टिल् त्हुबइले क्हेमैंलाइ तेइ पखबै ङ याहवेह क्हेमैंए परमेश्‍वर ग बिसि क्हेमैंइ सेब्मुँ

धै ङइ अब्राहाम, इसहाक नेरो याकूबने बाछा फैसि पिंम् बिबै ह्‍युलर क्हेमैंलाइ पखब्मुँ, धै च ह्‍युल क्हेमैंलाइ क्ल्हे तबर पिंब्मुँ। ङन् याहवेह ग।’ बिसि चमैंलाइ बिद्।” मोशाइ इस्राएलीमैंने छान् बिसि बिमिंइ, दिलेया चमैं आगुए केब्छैं तसि टिल् त्हुबइले चमैंए सैं सियाल। छतसि चमैंइ मोशाए ताँ थेल् आङिं।

च त्हेर याहवेहजी मोशाने बिइ, “ङइ फारोलाइ तो लब्मुँ बिसि तारे क्हिइ म्रोंब्मुँ। ङए भोंबै योइ लमा चइ क्हेमैं ह्‍याल् पिंब्मुँ। ङए भोंबै योइ लमा चइ ह्रोंसए ह्‍युलउँइँले चमैंलाइ ल्हावाब्मुँ।”