मोर्दकैइ चु ताँन् ताँमैं प्ह्रिबर ल्हैदिइ। झाइले म्रुँ अहासूरसए ह्युलर मुँबै ताँन् क्ल्ह्यो जरेबै यहूदीमैंलाइ प्ह्रिछ्यामैं पिमिंइ। च प्ह्रिछ्यार “तारे सेरे बर्ष ह्रोंसे चु अदार म्हैनए च्युसे प्लि नेरो च्युसे ङ्ह त्हिंइलाइ बेल्ले छेन्ले म्हाँदिद्। च त्हिंइ ङ्योइ शत्तुरमैंलाइ ट्होबै त्हिंइ ग। च त्हिंइ ङ्यो न्हुँ नेरो दु:खउँइँले फ्रेसि छिं ङ्हाँबै त्हिंइ ग। छतसि सैं तोंदै म्हाँदिद्। च त्हिंइर घ्रिइ घ्रिलाइ चबै सैमैं पिमिंन्, धै आयो-आख्युब्मैंलाइ चल् पिंन्,” बिसि प्ह्रिल।
