Popular Bible Verses from चेला चिब्मैंए केमैं 7

Share

चमैंइ युँमाइ ल्हिरिमा स्तिफनसइ बिइ, “ओ प्रभु येशू, ङए प्ल्ह क्हिजी किंनु।” झाइले चइ च्हि तुँसि थेबै कैले ओरसि बिइ, “ओ प्रभु, चु पापए छ्याब चुमैंए फिर आल्हैदिरिगे।” च्हौ बिसि चइ सो पिवाइ।

‘ङ टिबै राजगद्दि स्वर्ग ग, धै ङए प्‍हले म्हैबै क्‍ल्‍ह्‍यो पृथ्‍बी ग। छतसि क्‍हेमैंइ ङए ल्हागिर खैबै धिं बनेम्? ङए भों न्‍हबै क्‍ल्‍ह्‍यो खनिर जा?

स्तिफनसइ छबिमा चमैं थेबै कैले ओरसि ह्रों-ह्रोंसए न्ह म्रुइ। धै चमैं ताँनइ तिखेर्न चए फिर ह्‍वानेइ। चए बिरोधर ग्वाइ पिंब्मैंइ ह्रों-ह्रोंसए क्वें प्लिसि शाऊल मिं मुँबै फ्रेंसिए प्हले ङाँर थेंइ। धै चमैंइ स्तिफनस सहरउँइँले बैरु तेइ बोसि युँमाइ ल्हिइ।