Popular Bible Verses from २ तिमोथी 3

Share

चु छ्वेर्बै ताँन् ताँ परमेश्‍वरए प्ल्हजी म्हिमैंने प्ह्रिबर ल्हैदिब् ग। छतसि चु छ्वेर्बै ताँमैं बेल्‍ले केर फेब् मुँ। क्‍ह्रोंसेंन्‍बै ताँ लोमिंबर, अर्थि बुद्धि पिंबर, न्होंह्‍याबै ताँमैं क्योंएँबर, छेनाले लोदा सैंदा लबर चु छ्वेर्बै ताँन् ताँमैं बेल्‍ले केर फेब् मुँ। परमेश्‍वरजी कुल्मिंबै म्‍हि ताँन् छ्याँबै के लल् खाँसि छ्याँबै म्हि तरिगे बिसि खीजी चु छ्वे पिंब् ग।

दिलेया तरे लिउँइँ खबै त्हिंइ जरे बेल्‍ले ङ्हिंन् ङ्हाँबै दुःखए त्हे खब्मुँ, बिब सैंर मैंइ थेंन्। च त्हेर म्हिमैंइ ह्रोंसलाइ मत्‍त्रे म्हाँया लब, मुइए लोब लब, ह्रोंसन् थेब् प्‍हैंब, सैं सार तब, अरूलाइ म्हि आलल्‍ले पोंब, आबा-आमाइ बिब आङिंब, खाबइ तो सै पिंलेया धन्यबाद आपिंब धै परमेश्‍वर आम्हाँदिब गुन् आरेब अपबित्र तब्‍मुँ। धै खाब्ने खैबै म्हाँया लल् त्हुमु छ आलब, आगुए फिर ल्‍हयो आखब, अरूए फिर तोनतोर्न छ्याब् ल्‍हैदिब, आमादु, सैं सार तसि छ्याँबै ताँ आखोब। अझै चमैंइ अरूलइ धोका पिंब, खैचिज्हिले पोंब, ह्रब् प्‍हैंब, परमेश्‍वरए सैं तोंन् लबै साटोर चमैं मोज-मज्‍जा लब् खोब। चमैंइ सुँइ परमेश्‍वरलाइ म्‍हाँदिम् बिम्, दिलेया चमैंए सैंइ परमेश्‍वरए क्‍ह्रोंसेंन्‍बै शक्‍तिलाइ आक्‍वें। छाबै म्‍हिमैंउँइँले स्‍यो तद्।