Popular Bible Verses from ရိမ့ၤ 14

Share

အဂ့ၢ်ဒ်လဲၣ်န့ၣ်, ယွၤအဘီအမုၢ်တမ့ၢ်တၢ်လၢအဘၣ်ဃးဒီး တၢ်အီၣ်တၢ်အီဘၣ်. မ့မ့ၢ်ဘၣ်ဃးဒီးတၢ်တီတၢ်လိၤ, တၢ်ဃူတၢ်ဖိး, ဒီးတၢ်သးခုလၢသးစီဆှံဟ့ၣ်ဝဲန့ၣ်လီၤ. ဒီးပှၤလၢအမၤခရံာ်အတၢ်မၤလၢကျဲဒ်အံၤတဂၤန့ၣ်, ကဒုးသးခုယွၤဒီးကဒိးန့ၢ်ဘၣ်ပှၤကညီအတၢ်ဘၣ်သူၣ်ဘၣ်သးန့ၣ်လီၤ.

ပမ့ၢ်မူဒီးမ့ၢ်ပမူလၢကစၢ်အဂီၢ်, ဒီးပမ့ၢ်သံဒီးမ့ၢ်ပသံလၢကစၢ် အဂီၢ်လီၤ. မ့မ့ၢ်ဒ်န့ၣ်ဒီး, ပမူမ့ၢ်ဂ့ၤပသံမ့ၢ်ဂ့ၤ, ပမ့ၢ်ကစၢ်အတၢ်န့ၣ်လီၤ.

မၤသးဒ်န့ၣ်ဒီး, ပကဘၣ်ပညိၣ်ဃီၤပသးထီဘိဒီးမၤတၢ်တဖၣ် လၢအဟဲစိာ်တၢ်ဃူတၢ်ဖိးဒီးကဲထီၣ်တၢ်ဟ့ၣ်ဂံၢ်ဟ့ၣ်ဘါလိာ်သး တဂၤဒီးတဂၤန့ၣ်လီၤ.

မၤသးဒ်န့ၣ်ဒီး, မ်ပကဆိကတီၢ်လၢတၢ်စံၣ်ညီၣ်လိာ်ပသး တဂၤဒီးတဂၤန့ၣ်တက့ၢ်. အခိၣ်တလိာ်နကြၢးပာ်လီၤနသး, လၢနသုတမၤတၢ်လၢအကဒုးလီၤဃံၤနဒီပုၢ်ဝဲၢ်မ့ၢ်ဂ့ၤ, လၢအကဒုးလီၤအီၤဆူတၢ်ဒဲးဘးအပူၤမ့ၢ်ဂ့ၤနီတမံၤတဂ့ၤ အဂီၢ်တခီန့ၣ်လီၤ.

အဂ့ၢ်ဒ်လဲၣ်န့ၣ်, တၢ်ကွဲးအသးစံးဝဲ, “ကစၢ်စံးဝဲဒၣ်, ဒ်ယမ့ၢ်ကစၢ်ယွၤလၢအမူဝဲအသိး ပှၤကိးဂၤဒဲးကချံးခီၣ်တီၤလီၤလၢယမဲာ်ညါ ဒီးပှၤကိးဂၤဒဲးကအၢၣ်လီၤအီလီၤလၢယမ့ၢ်ကစၢ်ယွၤန့ၣ်လီၤ.” မ့မ့ၢ်ဒ်န့ၣ်ဒီး, ပဝဲကိးဂၤဒဲးပကဘၣ်ဟ့ၣ်တၢ်စံးဆၢလၢ ကစၢ်ယွၤလၢပကစၢ်ဒၣ်ပဝဲအဂ့ၢ်န့ၣ်လီၤ.

ပှၤလၢသုကျါလၢအတၢ်နာ်အဂံၢ်အဘါစၢ်တဖၣ်န့ၣ်တူၢ်လိာ်အီၤ တက့ၢ်. ဘၣ်ဆၣ်ဒီးတဘၣ်ဂ့ၢ်လိာ်ဒီးအီၤဘၣ်ဃးအတၢ်ဆိကမိၣ် ဆိကမးတဖၣ်န့ၣ်တဂ့ၤ.

နမ့ၢ်မတၤတဂၤလၢအကစံၣ်ညီၣ်ပှၤအဂၤတဂၤအခ့အပှၤန့ၣ်လဲၣ်. အတၢ်မၤကဲထီၣ်မ့ၢ်ဂ့ၤ, တကဲထီၣ်မ့ၢ်ဂ့ၤန့ၣ် အကစၢ်လၢအမ့ၢ်ယွၤကစံၣ်ညီၣ်ဒၣ်ဝဲလီၤ. ဒီးအတၢ်မၤကကဲထီၣ်လိၣ်ထီၣ်ဝဲ, မ့ၢ်လၢယွၤဒုးကဲထီၣ်လိၣ်ထီၣ်အီၤသ့ဝဲဒၣ်အဃိန့ၣ်လီၤ.