Popular Bible Verses from ရိမ့ၤ 1

Share

အဂ့ၢ်ဒ်အံၤ, ယမဲာ်တဆှးဘၣ်လၢခရံာ်အတၢ်သးခုကစီၣ်အဃိဘၣ်. မ့ၢ်ကစၢ်ယွၤအစိကမီၤလၢကအုၣ်က့ၤခီၣ်က့ၤပှၤလၢအစူၢ်က့ၤနာ် က့ၤတၢ်ခဲလၢာ်, ပှၤယူဒၤဖိတဖၣ်လၢအဆိဒီး ပှၤကြံးခ်ဖိတဖၣ်စ့ၢ်ကီးန့ၣ်လီၤ.

အဂ့ၢ်ဒ်အံၤ, တၢ်သးခုအကစီၣ်လီၣ်ဖျါထီၣ်ကစၢ်ယွၤအတၢ် ပာ်တီပာ်လိၤပှၤကညီဒ်လဲၣ်အဂ့ၢ်န့ၣ်လီၤ. မၤဝဲခီဖျိတၢ်စူၢ်တၢ်နာ်, စးထီၣ်လၢအခီၣ်ထံးတုၤလၢအကတၢၢ်လီၤ. ဒ်တၢ်ကွဲးအသးစီဆှံစံးဝဲ အသိး, “ပှၤလၢအဘၣ်တၢ်ပာ်တီပာ်လိၤအီၤလၢကစၢ်ယွၤခီဖျိတၢ်စူၢ် တၢ်နာ်န့ၣ်, ကမူဝဲလီၤ.”

စးထီၣ်လၢကစၢ်ယွၤတ့လီၤဟီၣ်ခိၣ်လံၤလံၤန့ၣ်, အတၢ်စိကမီၤအထူအယိာ်ဒီးအတၢ်မ့ၢ်ကစၢ်ယွၤအန့ဆၢၣ်လၢ ပှၤထံၣ်အီၤတသ့ဘၣ်တဖၣ်အံၤန့ၣ်, ဘၣ်တၢ်သ့ၣ်ညါနၢ်ပၢၢ်အီၤဆှံဆှံသ့ဝဲခီဖျိတၢ်လၢကစၢ် ယွၤတ့လီၤဝဲသ့ၣ်တဖၣ်အပူၤန့ၣ်လီၤ. လၢတၢ်န့ၣ်အဃိ, အဝဲသ့ၣ်ကတိၤပူၤဖျဲးအသးတသ့ဘၣ်န့ၣ်လီၤ.

အဝဲသ့ၣ် သ့ၣ်ညါကစၢ်ယွၤ, ဘၣ်ဆၣ်အဝဲသ့ၣ်တဟ့ၣ်အီၤတၢ်လၤကပီၤဒ်ကစၢ်ယွၤအသိးဘၣ်ဒီး တစံးထီၣ်ပတြၢၤအီၤစ့ၢ်ကီးဘၣ်န့ၣ်လီၤ. မ့မ့ၢ်, အတၢ်ဆိကမိၣ်တဖၣ်ကဲထီၣ်တၢ်လၢအခီပညီတအိၣ် လၢာ်လၢာ်ဆ့ဆ့ဒီးအဝဲသ့ၣ်ဆိကမိၣ်တၢ်တဘၣ်ဘၣ်ဒီး အသးန့ၣ်ခံးလီၤဝဲလီၤ.

အဝဲသ့ၣ်ဆီတလဲကစၢ်ယွၤအတၢ်မ့ၢ်တၢ်တီလၢတၢ်ကဘျံးကဘျၣ်, ဒီးလၢအဝဲသ့ၣ်ကဘူၣ်ထီၣ်ဘါထီၣ်တၢ်ဘၣ်တ့ကစၢ်လၢအကြၢး ဒီးတၢ်စံးထီၣ်ပတြၢၤအီၤလီၤစိၤလီၤထီတဂၤအလီၢ်န့ၣ်, အဝဲသ့ၣ်ဘူၣ်ထီၣ်ဘါထီၣ်တၢ်ဘၣ်တ့တဖၣ်ဒီးမၤအတၢ်မၤန့ၣ်လီၤ.

ကစၢ်ယွၤအတၢ်သးဒိၣ်ဘၣ်တၢ်လီၣ်ဖျါထီၣ်အီၤလၢအဟဲလၢ မူခိၣ်ထီဒါပှၤဟီၣ်ခိၣ်ဖိအတၢ်ဒဲးဘးဒီးအတၢ်အၢတၢ်သီခဲလၢာ် န့ၣ်လီၤ. ပှၤဟီၣ်ခိၣ်ဖိအကျဲအအၢအသီတဖၣ်တြီဃာ်အတၢ် သ့ၣ်ညါနၢ်ပၢၢ်တၢ်မ့ၢ်တၢ်တီန့ၣ်လီၤ.

မ့ၢ်လၢပှၤကညီမၤတၢ်အံၤအဃိဒီး, ကစၢ်ယွၤဟ့ၣ်လီၤကွံာ်အဝဲသ့ၣ်ဆူတၢ်သူၣ်ကတၢသးကတၢလၢ အလီၤမဲာ်ဆှးတဖၣ်အပူၤန့ၣ်လီၤ. ပိာ်မုၣ်တဖၣ်ဒၣ်လဲာ်ဘိးဃၣ်ကဒါ ကွံာ်တၢ်သူပိာ်မုၣ်အက့ၢ်အဂီၤလၢကျဲအဘၣ်ဆူတၢ်သူအီၤလၢ အတမ့ၢ်ဘၣ်န့ဆၢၣ်အကျဲအကပူၤန့ၣ်လီၤ. ဒ်န့ၣ်အသိး, ပိာ်ခွါတဖၣ်စ့ၢ်ကီးဃၣ်ကွံာ်အသးလၢတၢ်မံဃုာ် အိၣ်ဃုာ်ဒီးပိာ်မုၣ်ပိာ်မၢၤဒ်တၢ်ဘၣ်တ့အကျဲအိၣ်ဝဲအသိး, ဒီးအဝဲသ့ၣ်ကွၢ်လိာ်အသးကဒဲကဒဲအိၣ်ဒီးတၢ်သးကတၢ န့ၣ်လီၤ. တၢ်လၢပိာ်ခွါတဖၣ်မၤလိာ်အသးတဂၤဒီးတဂၤန့ၣ်, မ့ၢ်တၢ်လၢအလီၤမဲာ်ဆှးဒိၣ်မး, ဒီးလၢတၢ်အံၤအဃိ, အဝဲသ့ၣ်ဘၣ်တၢ်စံၣ်ညီၣ်အီၤဒ်အကြၢးတူၢ်ဘၣ်ဝဲလၢအမၤ ကမၣ်တၢ်အသိးန့ၣ်လီၤ. မ့ၢ်လၢပှၤကညီတတူၢ်လိာ်ပာ်လၢအသးပူၤ, တၢ်သ့ၣ်ညါအမ့ၢ်အတီဘၣ်ဃးဒီးကစၢ်ယွၤလၢအသးပူၤအဃိ, တၢ်ဟ့ၣ်လီၤအဝဲသ့ၣ်ဆူတၢ်ဆိကမိၣ်ဟးဂီၤတဖၣ်အပူၤဒ်သိး အဝဲသ့ၣ်ကမၤတၢ်လၢအတကြၢး မၤဝဲတဖၣ်န့ၣ်လီၤ.

အဝဲသ့ၣ်စံးလီၤအသးလၢအကူၣ်တၢ်သ့, ဘၣ်ဆၣ်အဝဲသ့ၣ်မ့ၢ်ဒၣ်ပှၤဟးဂီၤဖိတဖၣ်န့ၣ်လီၤ. လၢကဘူၣ်ထီၣ်ဘါထီၣ်ကစၢ်ယွၤလၢအသံတသ့ဘၣ်အလီၢ်န့ၣ်, အဝဲသ့ၣ်ဘါထီၣ်တၢ်ဂီၤတၢ်ဖီၣ်တဖၣ်လၢအလီၤဂာ်ဒီးပှၤကညီ လၢအသံသ့, မ့တမ့ၢ်ထိၣ်ဧိၤလံာ်ဧိၤ, မ့တမ့ၢ်ဆၣ်ဖိကီၢ်ဖိ တဖၣ်, မ့တမ့ၢ်ဂုၢ်ဧိၤဒးဧိၤတဖၣ်တခီန့ၣ်လီၤ.