Popular Bible Verses from လံာ်လီၣ်ဖျါ 9

ပှၤဟီၣ်ခိၣ်ဖိလၢအအိၣ်လီၤတဲာ်တ့ၢ်တဖၣ်ဒီးကယဲၢ်ပှၤလၢ အတဘၣ်တၢ်မၤသံအီၤလၢတၢ်သံသတြိာ်တဖၣ်န့ၣ်, တပီၢ်ယၢ်လီၤအသးလၢတၢ်လၢအဝဲသ့ၣ်အနီၢ်ကစၢ်ဒၣ်ဝဲမၤတ့ၢ်ဝဲ တဖၣ်အဃိန့ၣ်ဘၣ်. အဝဲသ့ၣ်တဆိကတီၢ်ကွံာ်အတၢ်ဘူၣ်ထီၣ် ဘါထီၣ်တၢ်ဝံတၢ်နါတဖၣ်မ့ၢ်ဂ့ၤ, တၢ်ဂီၤထူ, တၢ်ဂီၤစ့, တၢ်ဂီၤတိၢ်, တၢ်ဂီၤလၢၢ်, တၢ်ဂီၤသ့ၣ်လၢအထံၣ်တၢ်တသ့, အနၢ်ဟူတၢ်တသ့, ဟးတသ့တဖၣ်မ့ၢ်ဂ့ၤန့ၣ်ဘၣ်. ဒ်န့ၣ်အသိး, အဝဲသ့ၣ်တပီၢ်ယၢ်လီၤအသးလၢအတၢ်မၤသံမၤဝီတၢ် အဃိမ့ၢ်ဂ့ၤ, အတၢ်ဟိၣ်တၢ်ယီအဃိမ့ၢ်ဂ့ၤ, အတၢ်မၤကမၣ်မုၣ်ကမၣ်ခွါအဃိမ့ၢ်ဂ့ၤ, ဒီးအတၢ်ဟုၣ်တၢ်ဘျၣ်တၢ်အဃိမ့ၢ်ဂ့ၤန့ၣ်ဘၣ်.

ဒွဲၣ်တဖၣ်ဟဲထီၣ်လၢမ့ၣ်အူလၣ်အကျါဆူဟီၣ်ခိၣ်လိၤဒီး အဝဲသ့ၣ်ဘၣ်တၢ်ဟ့ၣ်အီၤတၢ်စိကမီၤတမံၤဃီလၢအအိၣ်ဒီး ပတ့ၤချဲးတဖၣ်န့ၣ်လီၤ. အဝဲသ့ၣ်ဘၣ်တၢ်မၤလိာ်ပာ်အီၤလၢအသုတမၤဘၣ်ဒိတပံၢ် တမါမ့ၢ်ဂ့ၤသ့ၣ်တဖၣ်မ့ၢ်ဂ့ၤ, တၢ်မုၢ်တၢ်ဘိအဂၤမ့ၢ်ဂ့ၤနီတမံၤ တဂ့ၤန့ၣ်လီၤ. အဝဲသ့ၣ်ကဘၣ်မၤဆူးမၤဆါထဲပှၤလၢအတအိၣ်ဒီးတၢ်ပနီၣ် ဘၣ်ဃးကစၢ်ယွၤအတၢ်စဲပနီၣ်ဃာ်လၢအခိၣ်တိသၣ်အလိၤ တဖၣ်န့ၣ်လီၤ.

တၢ်န့ၣ်ဝံၤအလီၢ်ခံ, ကလူးယဲၢ်ဂၤတဂၤအူထီၣ်အကွဲၤ လီၤ. ယထံၣ်ဆၣ်တဖျၢၣ်လၢအဟဲလီၤတဲာ်ဆူဟီၣ်ခိၣ်, ဒီးဘၣ်တၢ်ဟ့ၣ်အီၤတၢ်ပူၤယိာ်အနီၣ်ဝံာ်လီၤ.

တၢ်တဟ့ၣ်ဒွဲၣ်တဖၣ်န့ၣ်အခွဲးလၢအကမၤသံပှၤသ့ၣ်တဖၣ် န့ၣ်ဘၣ်. မ့မ့ၢ်, ကဘၣ်မၤဆူးမၤဆါဒၣ်အီၤနးနးကလဲာ်လၢယဲၢ်လါ အတီၢ်ပူၤလီၤ. တၢ်မၤဆူးမၤဆါတၢ်နးနးကလဲာ်တမံၤ အံၤဆါဝဲဒ်သိးပတ့ၤချဲးဆဲးပှၤဆါအသိးန့ၣ်လီၤ.

အဝဲသ့ၣ်အိၣ်ဒီးအစီၤပၤလၢအပၢအီၤတဂၤ, လၢအမ့ၢ်ကလူးလၢအပၢဘၣ်တၢ်ပူၤယိာ်တဂၤန့ၣ်လီၤ. အဝဲဒၣ်အမံၤလၢဧ့ၤဘြံၤ အကျိာ်န့ၣ်မ့ၢ်ဝဲအဘးဒိၣ်, လၢကြံးခ်အကျိာ်တခီအမံၤမ့ၢ်ဝဲအပီးလူၣ် (အခီပညီ မ့ၢ်ဝဲပှၤမၤဟးဂီၤတၢ်ဖိ) လီၤ.