Popular Bible Verses from လံာ်လီၣ်ဖျါ 6

ယကွၢ်တၢ်ဒီးကသ့ၣ်အလွဲၢ်လီၤဝါတဒုအိၣ်ဝဲလီၤ. ပှၤလၢအဒိးအီၤတဂၤဘၣ်တၢ်ယုၢ်အမံၤလၢတၢ်သံ, ဒီးပျုၤပူၤပိာ်ထီၣ်အခံဘူးဘူးတံၢ်တံၢ်လီၤ. အဝဲသ့ၣ်ဘၣ်တၢ်ဟ့ၣ်အီၤတၢ်စိတၢ်ကမီၤလၢဟီၣ်ခိၣ်ချၢ လွံၢ်ပူတပူအဖီခိၣ်, လၢအကမၤသံတၢ်ခီဖျိတၢ်ဒုးတၢ်ယၤ, တၢ်သၣ်ဝံၤလီၤဒိ, တၢ်ဆူးတၢ်ဆါ, ဒီးဆၣ်ဖိကီၢ်ဖိအမံၤတဖၣ်လီၤ.

ယကွၢ်ဒီးကသ့ၣ်ဝါအိၣ်ဝဲတဒုလီၤ. ပှၤလၢအဒိးအီၤတဂၤစိာ်ဃာ်ချံၣ် တဆိဒီးအဝဲဘၣ်တၢ်ဟ့ၣ်အီၤလၢခိၣ်သလုးတဖျၢၣ်လီၤ. အဝဲဒၣ်ဒိးထီၣ်ကသ့ၣ်ဒ်ပှၤဒုးန့ၢ်ထံဧိၤကီၢ်ဧိၤတဂၤလၢ အသါကလဲၤဒုးန့ၢ်ထံဧိၤကီၢ်ဧိၤအသိးန့ၣ်လီၤ.

အန့ၣ်ဝံၤဒီး, သိဖိအိးထီၣ်တၢ်စဲပနီၣ်ဃာ်ယဲၢ်ခါတခါလီၤ. လၢတၢ်လုၢ်လီၢ်အဖီလာ်န့ၣ်, ယထံၣ်ဘၣ်ပှၤလၢအဘၣ် တၢ်မၤသံတ့ၢ်အီၤလၢအစံၣ်တဲၤတဲလီၤကစၢ်ယွၤအကလုၢ် အကထါဒီးအသးတီဝဲလၢအတၢ်အုၣ်အသးအပူၤအဃိ တဖၣ်အသးသမူန့ၣ်လီၤ.

အဝဲသ့ၣ်ကိးပသူထီၣ်လၢအကလုၢ်ဖးဒိၣ်, “သ့တၢ်လၢာ်ကစၢ်လၢအစီဆှံဒီးတီဝဲလိၤဝဲ တဂၤဧၢ, နကစံၣ်ညီၣ်ပှၤလၢဟီၣ်ခိၣ်ချၢတဖၣ်ဒီးဟ့ၣ်ကၣ် အဝဲသ့ၣ်လၢအမၤသံပှၤတဖၣ်အဂီၢ်န့ၣ်, ဆၢကတီၢ် ကယံာ်ဒံးဝဲဆံးအါလဲၣ်.” အဝဲသ့ၣ်တဂၤဘၣ်တဂၤဘၣ်တၢ်ဟ့ၣ်အီၤလၢဆ့ကၤဝါဖးထီ တဘ့ၣ်, ဒီးတၢ်စံးဘၣ်အီၤလၢအကအိၣ်ဘှံးဒံးဆူညါတစိၢ် တလီၢ်တုၤလၢတၢ်ခ့တၢ်ပှၤသကိးသကိးအီၤ, ဒီးဒ်အဒီပုၢ်ဝဲၢ်တဖၣ်ဘၣ်တၢ်မၤသံအီၤဒ်အဝဲသ့ၣ်အနီၢ် ကစၢ်ဒၣ်ဝဲဘၣ်တၢ်မၤသံအီၤအသိး, အနီၣ်ဂံၢ်ပှဲၤထီၣ်ဝဲ တစုလီၤ.

ဒီးကသ့ၣ်အဂၤတဒု, လၢအလွဲၢ်ဂီၤန့ၣ်ဟဲထီၣ်ဝဲဒၣ်လီၤ. ပှၤလၢအဒိးအီၤတဂၤဘၣ်တၢ်ဟ့ၣ်အီၤတၢ်စိတၢ်ကမီၤလၢ အကဟဲစိာ်တၢ်ဒုးတၢ်ယၤဆူဟီၣ်ခိၣ်ချၢဒ်သိးပှၤကညီ တဖၣ်ကမၤသံလိာ်အသးတဂၤဒီးတဂၤန့ၣ်လီၤ. အဝဲဒၣ်ဘၣ်တၢ်ဟ့ၣ်အီၤနးဖးဒိၣ်တဘ့ၣ်လီၤ.

အဝဲသ့ၣ်အတၢ်သးထီၣ်အမုၢ်နံၤလီၤပျံၤလီၤဖုးတနံၤန့ၣ် တုၤအိၣ်ဝဲခဲကနံၣ်အံၤလံ. ဒီးမတၤကွၢ်ဆၢၣ်မဲာ်အီၤကသ့ တဂၤလဲၣ်.”

ဒီးယထံၣ်သိဖိမၤသ့ၣ်ဖးဒီးအိးထီၣ်တၢ်စဲပနီၣ်ဃာ်ဃုခါ တခါလီၤ. ဟီၣ်ခိၣ်ဟူးဝးထီၣ်ဝဲဒၣ်ဆူၣ်ဆူၣ်ကလဲာ်, ဒီးမုၢ်ခံးသူထီၣ်ဝဲဒ်ထၢၣ်တၢ်ကံးယာ်လၢအလွဲၢ်သူတဖျၢၣ် အသိး, ဒီးလါထီၣ်ဂီၤဝဲဒီဘ့ၣ်ညါဒ်တၢ်သွံၣ်အသိးလီၤ. ဆၣ်သ့ၣ်တဖၣ်လီၤတဲာ်ဝဲဆူဟီၣ်ခိၣ်လိၤဒ်ချၢၣ်အသၣ်လၢ အတမံတဖၣ်လီၤတဲာ်ဝဲလၢအထူၣ်လိၤ, ဖဲကလံၤအဆူၣ်မၤဝးဆှဲးဆှိးအီၤအဆၢကတီၢ်အသိး န့ၣ်လီၤ.

အန့ၣ်ဝံၤဒီး, သိဖိအိးထီၣ်တၢ်စဲပနီၣ်ဃာ်သၢခါတခါ, ဒီးယနၢ်ဟူတၢ်အသးသမူအိၣ်သၢဒုတဒုစံးဝဲ, “ဟဲတက့ၢ်” န့ၣ်လီၤ. ယကွၢ်, ဒီးကသ့ၣ်သူအိၣ်ဝဲတဒုလီၤ. ပှၤလၢအဒိးအီၤတဂၤအိၣ်ဒီးစီၤပီၢ်လၢအစုပူၤလီၤ. ယနၢ်ဟူတၢ်လၢအလီၤဂာ်ဒီးတၢ်အကလုၢ်ဟဲသီၣ်ထီၣ်လၢတၢ် အသးသမူအိၣ်လွံၢ်ဒုအကျါ, လၢအစံးဝဲ, “ဘုကၠူၣ်တသလိးလၢဒန့ၤရံတဘ့ၣ်အဂီၢ်. ဒီးဘုမုယီၤသၢသလိးလၢဒန့ၤရံတဘ့ၣ်အဂီၢ်လီၤ. ဘၣ်ဆၣ်ဒီးမၤဟးဂီၤသ့ၣ်စၤယံးတဖၣ် ဒီးစပံးအလီၢ် တဖၣ်န့ၣ်တဂ့ၤ.”

မူကပိာ်လိၤလီၤမၢ်ကွံာ်ဝဲဒ်လံာ်ထူတဘ့ၣ်ဘၣ်တၢ်ထူထီၣ် က့ၤအီၤအသိး, ဒီးကစၢၢ်ကိးဖျၢၣ်ဒဲးဒီးကီးကိးဖျၢၣ်ဒဲးဘၣ် တၢ်သုးကွံာ်အီၤလၢအလီၢ်န့ၣ်လီၤ. တုၤနုၤတစု, ဟီၣ်ခိၣ်အစီၤပၤတဖၣ်, ပှၤပၢတၢ်ပြးတၢ်တဖၣ်ဒီးသုးခိၣ်သုးနၢ်တဖၣ်, ပှၤထူးပှၤတီၤဒီးပှၤဂံၢ်ဆူၣ်ဘါဆူၣ်တဖၣ်, ဒီးပှၤအဂၤကိးဂၤဒဲး, ကုၢ်ဒီးပှၤသဘျ့, အိၣ်ခူသူၣ်ဝဲဒၣ်လၢလၢၢ်ကအိပူၤတဖၣ်ဒီးလၢလၢၢ်ဧိၤလ့ ဧိၤလၢကစၢၢ်ဒီခိၣ်တဖၣ်အဖီလာ်န့ၣ်လီၤ.