Popular Bible Verses from လံာ်တၢ်ကူၣ်သ့အတၢ်ကတိၤ 22

Share

သိၣ်လိဖိသၣ်တဂၤလၢအကဘၣ်အိၣ်မူဒ်လဲၣ်ဒ်လဲၣ်န့ၣ်တက့ၢ်. ဒီးအဝဲကသ့ၣ်နီၣ်ထီၣ်က့ၤဝဲလၢအတၢ်အိၣ်မူတစိၤသးလီၤ.

အိၣ်ဒီးတၢ်ယူးယီၣ်ပာ်ကဲယွၤဒီးဆီၣ်လီၤနသးတက့ၢ်. ဒီးနကန့ၢ်ဘၣ်တၢ်ထူးတၢ်တီၤတဖၣ်, တၢ်လၤကပီၤ, ဒီးတၢ်အိၣ်မူအါနံၣ်အါလါန့ၣ်လီၤ.

နမ့ၢ်ဘၣ်ဃုထၢတၢ်လၢတၢ်မံၤဂ့ၤသၣ်ဂ့ၤဒီးတၢ်ထူးဒိၣ် တၢ်တီၤအါအဘၢၣ်စၢၤန့ၣ်ဃုထၢတၢ်မံၤဂ့ၤသၣ်ဂ့ၤတက့ၢ်. ဒီးတၢ်လီၤယူးယီၣ်ပာ်ကဲန့ၣ်ဂ့ၤန့ၢ်ကျိၣ်ဧိၤစ့ဧိၤဒီးထူ ဧိၤလွဲဧိၤတက့ၢ်လီၤ.

မၤတံၤမၤသကိးဒီးပှၤတဖၣ်လၢအသးဒိၣ်ထီၣ်ကဲၤထီၣ်ချ့ဒီးမၤ တပျုာ်တပျီၤတၢ်တဖၣ်န့ၣ်တဂ့ၤ.

ဟ့ၣ်ညီတၢ်လၢတၢ်သူၣ်အိၣ်သးအိၣ်အပူၤဒီးနီၤဟ့ၣ်နတၢ်အီၣ်ဒီး ပှၤဖှီၣ်ဖိယာ်ဖိတက့ၢ်. နကဘၣ်ဆိၣ်ဂ့ၤလၢတၢ်န့ၣ်အဃိလီၤ.

ပှၤသူၣ်ထံသးဆးတဖၣ်န့ၣ်ကထံၣ်တၢ်ကီတၢ်ခဲဟဲဝဲဒီးကပဒ့ၣ်အသး လီၤ. ဘၣ်ဆၣ်ဒီး, ပှၤလၢအတဆိကမိၣ်တၢ်တဂၤန့ၣ်ကလဲၤနုာ်လိၤလိၤ ဆူတၢ်ကီတၢ်ခဲအပူၤဒီးသးအုးက့ၤလၢခံလီၤ.

ပှၤဖှီၣ်ဖိယာ်ဖိတဖၣ်န့ၣ်မ့ၢ်ပှၤထူးပှၤတီၤအကုၢ်အပှၤလီၤ. ဟံးန့ၢ်လိၢ်န့ၢ်စ့တက့ၢ်. ဒီးနကဲထီၣ်ပှၤဟ့ၣ်လိၢ်တၢ်အကုၢ်လီၤ.

ပှၤထူးပှၤတီၤဒီးပှၤဖှီၣ်ဖိယာ်ဖိအိၣ်ဒီးတၢ်အံၤတမံၤဃီ န့ၣ်လီၤ. ယွၤတ့လီၤအဝဲသ့ၣ်ခံဖုလိာ်လီၤ.

မ့ၢ်လၢနမၤသ့အဃိဒီး, ဃုမၤဘျုးနသးလၢပှၤဖှီၣ်ဖိယာ်ဖိ တဖၣ်အဖီခိၣ်တဂ့ၤ. ပှၤလၢအဆၢထၢၣ်လၢကွီၢ်ဘျီၣ်ဒီးမၤစၢၤလီၤ က့ၤအသးတသ့တဖၣ်န့ၣ်, ဃုမၤဘျုးနသးလၢအဖီခိၣ်တဂ့ၤ. ယွၤကလိာ်ကွီၢ်တၢ်လၢအဝဲသ့ၣ်အဂီၢ်ဒီးပှၤတဂၤလၢ်လၢ်လၢ အမၤပျံၤမၤဖုးအဝဲသ့ၣ်တဖၣ်အသးသမူန့ၣ်, ယွၤကမၤပျံၤမၤဖုးက့ၤအသးသမူလီၤ.