Popular Bible Verses from လံာ်တၢ်ဂံၢ် 21

Share

တုၤနုၤတစု, ယွၤစံးဘၣ်စီၤမိၤၡ့လၢကမၤကဲထီၣ်ဂုၢ်သ့ၣ်တဘိ လၢတိၢ်ဘီဒီးပာ်ထီၣ်အီၤလၢသ့ၣ်တဘိအဖီခိၣ်ဒ်သိးပှၤတဂၤလၢ် လၢ်လၢဘၣ်တၢ်အ့ၣ်ဘၣ်အီၤလၢဂုၢ်န့ၣ်ကွၢ်ထီၣ်ဝဲကသ့ဒီး ကဘျါက့ၤအဂီၢ်န့ၣ်လီၤ.

မၤသးဒ်န့ၣ်ဒီး, စီၤမိၤၡ့မၤထီၣ်ဂုၢ်တိၢ်ဘီတဘိဒီးပာ်ထီၣ် အီၤလၢသ့ၣ်တထူၣ်အလိၤလီၤ. ပှၤတဂၤဂ့ၤတဂၤဂ့ၤလၢအဘၣ်တၢ်အ့ၣ်အီၤလၢဂုၢ်သ့ၣ်န့ၣ်ကကွၢ်ထီၣ် ဝဲဂုၢ်တိၢ်ဘီန့ၣ်ဒီးကဘျါက့ၤန့ၣ်လီၤ.

ဒီးကတိၤတၢ်ထီဒါကစၢ်ယွၤဒီးစီၤမိၤၡ့န့ၣ်လီၤ. အဝဲသ့ၣ်ကဒူးကဒ့ၣ်တၢ်စံးဝဲ, “နထုးထီၣ်ပှၤလၢကီၢ်အဲၤကူပတူးဒ်သိးပကသံလၢပှၢ်မုၢ်ကနၢ အပူၤအံၤဖဲတၢ်အီၣ်တအိၣ်ထံတအိၣ်န့ၣ်ဘၣ်မနုၤလဲၣ်. တၢ်အီၣ်တဂိာ်တသီၣ်အံၤ, ပအီၣ်တကဲလၢၤဘၣ်.”

တုၤနုၤတစုယွၤဆှၢလီၤဂုၢ်သ့ၣ်အစုၣ်အၢတဖၣ်ဆူပှၤဂီၢ်မုၢ် အကျါဒီးပှၤအံၣ်စရ့လးဖိအါဂၤဂုၢ်အ့ၣ်အီၤဒီးသံဝဲဒၣ် လီၤ.

ပှၤဂီၢ်မုၢ်ဟဲဆူစီၤမိၤၡ့အအိၣ်ဒီးစံးဝဲဒၣ်, “ပမၤဒဲးဘးလံတၢ်ဖဲပကတိၤတၢ်ထီဒါယွၤဒီးထီဒါနၤန့ၣ် လီၤ. ခဲအံၤဘါထုကဖၣ်ဆူယွၤအအိၣ် ဒ်သိးကဟံးထီၣ်ကွံာ်ဂုၢ်သ့ၣ်တဖၣ်အံၤတက့ၢ်.” မၤသးဒ်န့ၣ်ဒီး, စီၤမိၤၡ့ဘါထုကဖၣ်တၢ်လၢပှၤဂီၢ်မုၢ်အဂီၢ်လီၤ.