Popular Bible Verses from လံာ်ပှၤစံၣ်ညီၣ်ကွီၢ် 16

Share

တုၤနုၤတစု, ပိာ်မုၣ်န့ၣ်ကိးထီၣ်ဝဲ, “စီၤၡံၣ်ၡိၣ်ဧၢ, ပှၤဖလ့ၡသးဖိတဖၣ်ဟဲလံ.” အဝဲပၢၢ်ထီၣ်ဒီးဆိကမိၣ်ဝဲ, “ယကထူၣ်ဖျဲးထီၣ်ဒ်ကိးဘျီဒဲးအသိးန့ၣ်လီၤ.” အဝဲတသ့ၣ်ညါဝဲလၢယွၤလဲၤသဒၣ်ကွံာ်အီၤလံန့ၣ်ဘၣ်.

တုၤနုၤတစု, စီၤၡံၣ်ၡိၣ်ဘါထုကဖၣ်, “တၢ်ဒိၣ်ကစၢ်ဧၢ, သ့ၣ်နီၣ်ထီၣ်က့ၤလၢ်ယၤတက့ၢ်. ကစၢ်ယွၤဧၢ, ဟ့ၣ်ယၤတၢ်ဂံၢ်တၢ်ဘါထဲအအံၤတစု ဒ်သိးယကဟ့ၣ်ကၣ်ပှၤဖလ့ၡသးဖိတဖၣ်လၢယမဲာ်ချံခံဖျၢၣ်အဂီၢ်န့ၣ်တက့ၢ်.”

တုၤဒၣ်လဲာ်လၢခံကတၢၢ်န့ၣ်တဲဘၣ်ပိာ်မုၣ်န့ၣ်လၢတၢ်မ့ၢ်တၢ်တီ, “ယခိၣ်သူန့ၣ်တဘၣ်တၢ်လူၤအီၤနီတစုဘၣ်. ယဘၣ်တၢ်ပာ်စီဆှံထီၣ်ယၤဆူကစၢ်ယွၤအအိၣ် ဒ်ပှၤနစၤရံဖိတဂၤအသိးစးထီၣ်လၢယအိၣ်ဖျဲၣ်ထီၣ်အကတီၢ်န့ၣ်လီၤ. ယခိၣ်သူမ့ၢ်ဘၣ်တၢ်လူၤအီၤဒီး ယဂံၢ်ယဘါကလီၤမၢ်ကွံာ်ဝဲဒီးယဂံၢ်ယဘါကစၢ်လီၤဝဲဒ်ပှၤဂၤအသိး န့ၣ်လီၤ.”

ဒီးပိာ်မုၣ်န့ၣ်သံကွၢ်ဆူၣ်အီၤတနံၤဘၣ်တနံၤလီၤ. အဝဲအသးအ့န့ဒီးလီၤဘှံးဝဲလၢပိာ်မုၣ်အံၤမၤတံာ်တာ်အီၤ လၢတၢ်န့ၣ်အဃိ

ဒီးကိးထီၣ်ဝဲ, “မ်ယသံဃုာ်ဒီးပှၤဖလ့ၡသးဖိတဖၣ်တက့ၢ်.” ဒီးအဝဲဆီၣ်ဝဲလၢအဂံၢ်အဘါခဲလၢာ်ဒီး တၢ်သူၣ်ထီၣ်လီၤပှီၢ်လၢစီၤပၤယဲၢ်ဂၤဒီးပှၤခဲလၢာ်အလိၤလီၤ. စီၤၡံၣ်ၡိၣ်မၤသံပှၤဖဲအသံအခါအံၤအါန့ၢ်ဒံးအမၤသံတ့ၢ်ဝဲ ဖဲအမူဒံးအဖၢမုၢ်န့ၣ်လီၤ.