Popular Bible Verses from လံာ်တၢ်ကဲထီၣ်အခီၣ်ထံး 50

Share

သုကူၣ်ထီၣ်တၢ်အၢထီဒါယၤ, ဘၣ်ဆၣ်ဒီးကစၢ်ယွၤလဲလိာ်ကွံာ်အီၤဆူတၢ်အဂ့ၤ, ဒ်သိးပှၤဂီၢ်မုၢ်အါဂၤလၢအအိၣ်မူတနံၤအံၤအသးသမူတဖၣ်, ကဘၣ်တၢ်ပာ်ကီၤအီၤလၢတၢ်မၤတ့ၢ်အသးအဃိလီၤ.

ဘၣ်ဆၣ်ဒီး, စီၤယိၤသးစံးဘၣ်အဝဲသ့ၣ်, “ပျံၤတၢ်တဂ့ၤ. ယပာ်လီၤယသးလၢကစၢ်ယွၤအလီၢ်တသ့ဘၣ်.

သုပျံၤတၢ်ဖုးတၢ်အလီၢ်တအိၣ်နီတမံၤဘၣ်. ယကကွၢ်ထွဲသုဒီးသုဖိတဖၣ်လီၤ.” လၢတၢ်န့ၣ်အဃိ, အဝဲဒုးသးခူတလ့ၢ်က့ၤတ့ၢ်အဝဲသ့ၣ်ဒီးတၢ်မၤမုာ်မၤခုၣ်အတၢ် ကတိၤတဖၣ်လၢအမၤဘၣ်ဒိမးအဝဲသ့ၣ်အသးတဖၣ်န့ၣ်လီၤ.

အဝဲမၢတ့ၢ်ပှၤလၢပကတဲဘၣ်နၤ, ဝံသးစူၤပျၢ်ကွံာ်တၢ်ကမၣ်လၢ နဒီပုၢ်ဝဲၢ်ခွါတဖၣ်မၤတ့ၢ်ဝဲ, ဖဲအမၤကမၣ်ဘၣ်နၤအခါတက့ၢ်.’ ခဲအံၤဝံသးစူၤပျၢ်ပှၤ, နပၢ်အကစၢ်ယွၤအကုၢ်အပှၤတဖၣ်, အတၢ်ကမၣ်လၢအမၤဘၣ်တ့ၢ်ဝဲတက့ၢ်.” စီၤယိၤသးဟီၣ်ဝဲ, ဖဲအဝဲန့ၢ်ဘၣ်တၢ်ကစီၣ်အံၤန့ၣ်လီၤ.

အဝဲစံးဘၣ်အဒီပုၢ်ဝဲၢ်ခွါတဖၣ်, “ယကသံဘူးထီၣ်လံ. ဘၣ်ဆၣ်ကစၢ်ယွၤကအံးထွဲကကွၢ်ထွဲသုသပှၢ်ကတၢၢ်, ဒီးဆှၢထီၣ်သုလၢကီၢ်အံၤဆူကီၢ်တဘ့ၣ်လၢအဝဲဆိၣ်တ့ၢ်တၢ်သညူး သပှၢ်ဒီးစီၤအၤဘြၤဟၣ်, စီၤအံၤစဲးဒီးစီၤယၤကိာ်, အပူၤန့ၣ်လီၤ.”

အန့ၣ်ဒီး, စီၤယိၤသးမၢအပှၤဂီၢ်မုၢ်မၤတၢ်ဆိၣ်တမံၤန့ၣ်လီၤ. အဝဲစံးဝဲ, “အၢၣ်လီၤတၢ်ဒီးယၤလၢဖဲကစၢ်ယွၤဆှၢသုဆူ ကီၢ်အဝဲအံၤဒီး, သုကစိာ်ထီၣ်ကွံာ်ယစိၣ်ဃုာ်ဒီးသုန့ၣ်တ က့ၢ်.”

စီၤယိၤသးသံကွံာ်ဝဲလၢကီၢ်အဲၤကူပတူးအပူၤဖဲအသးအိၣ် အနံၣ်တကယၤတဆံန့ၣ်လီၤ. အဝဲသ့ၣ်ဖှူအစိၣ်လၢကသံၣ်ဒ်သိးအသုတဟးဂီၤတဂ့ၤဒီးဒၢနုာ် အီၤဆူကျုာ်တဖျၢၣ်အပူၤလီၤ.