Popular Bible Verses from လံာ်တၢ်ဟးထီၣ်ကွံာ် 3

Share

ဒီးကစၢ်ယွၤစံးဘၣ်စီၤမိၤၡ့, “ယမ့ၢ်တၢ်လၢယမ့ၢ်လီၤ. နကဘၣ်တဲဘၣ်အဝဲသ့ၣ်, ပှၤတဂၤလၢအကိးလီၤအသးလၢ ‘ယမ့ၢ်’ န့ၣ်ဆှၢလီၤယၤဆူသုအိၣ်န့ၣ်လီၤ.

ဒီးကစၢ်ယွၤစံးဆၢအီၤ, “ယကအိၣ်ဒီးနၤလီၤ. ဒီးဖဲနထုးထီၣ်ကွံာ်ပှၤဂီၢ်မုၢ်လၢကီၢ်အဲၤကူပတူးအပူၤန့ၣ်, သုကဘူၣ်ထီၣ်ဘါထီၣ်ယၤဖဲကစၢၢ်အံၤအလိၤန့ၣ်လီၤ. တၢ်န့ၣ်ကမ့ၢ်တၢ်အုၣ်အသးလၢယမၢလီၤနၤန့ၣ်လီၤ.”

ဒီးကစၢ်ယွၤစံးဝဲဒၣ်, “သုးဘူးနသးဖဲအံၤတဂ့ၤ, ဃ့ၣ်လီၤကွံာ်နခီၣ်ဖံးတက့ၢ်. အဂ့ၢ်ဒ်အံၤ, တၢ်လီၢ်လၢနဆၢထၢၣ်လၢအဖီခိၣ်အံၤမ့ၢ်ဟီၣ်ခိၣ်စီဆှံလီၤ.

တုၤနုၤတစုယွၤစံးဝဲဒၣ်, “ယထံၣ်တ့ၢ်လံယပှၤဂီၢ်မုၢ်တဖၣ်ဘၣ် တၢ်မၤအၢမၤနးအီၤလၢကီၢ်အဲၤကူပတူးအပူၤန့ၣ်လီၤ. ယနၢ်ဟူတ့ၢ်အဝဲသ့ၣ်ကိးထီၣ်တၢ်မၤပူၤဖျဲးအီၤလၢကုၢ်ကစၢ်တဖၣ် အစုပူၤန့ၣ်လီၤ. ယသ့ၣ်ညါအဝဲသ့ၣ်အတၢ်တူၢ်ဘၣ်ခီၣ်ဘၣ်ခဲလၢာ်န့ၣ်လီၤ. ဒီးယဟဲလီၤဒ်သိးယကမၤပူၤမၤဖျဲးက့ၤအဝဲသ့ၣ်လၢပှၤအဲၤကူ ပတူးဖိအစုပူၤ, ဒီးထုးထီၣ်ကွံာ်အဝဲသ့ၣ်လၢကီၢ်အဲၤကူပတူး အပူၤဒီးဆှၢအဝဲသ့ၣ်ဆူကီၢ်တဘ့ၣ်လၢဟီၣ်ခိၣ်ညၣ်ထ့ၣ်ဂ့ၤဒီးလဲၢ်ဝဲ, ကီၢ်လၢတၢ်နုၢ်ထံဒီးကနဲစီယွၤလီၤဝဲ, ဒီးမ့ၢ်ကီၢ်တဘ့ၣ်ဖဲပှၤကနၤဧၣ်ဖိ, ပှၤဃ့ၤသးဖိ, ပှၤအမိၢ်ဖိ, ပှၤပရးစၤဖိ, ပှၤဃံၤဝံဖိဒီးပှၤယဘူၣ်ဖိတဖၣ်အိၣ်ဝဲအလီၢ်န့ၣ်လီၤ.

ဒီးယွၤအကလူးတဂၤလီၣ်ဖျါထီၣ်အသးလၢအီၤဒ်မ့ၣ်အူလၣ်လၢဟဲ ထီၣ်လၢသ့ၣ်တၤဆှုၣ်တခိၣ်အပူၤအသိးန့ၣ်လီၤ. စီၤမိၤၡ့ကွၢ်ဒီးထံၣ်ဘၣ်ဝဲလၢသ့ၣ်တၤဆှုၣ်န့ၣ်မ့ၣ်အူအီၣ် အီၤဘၣ်ဆၣ်ဒီးတကိၢ်သွၣ်ကွံာ်ဝဲဘၣ်လီၤ.

ဒီး, ခဲကနံၣ်အံၤ, ယဆှၢလီၤနၤဆူကီၢ်အဲၤကူပတူးအစီၤပၤဖၤ ရိၤအအိၣ်ဒ်သိးနကထုးထီၣ်ကွံာ်ယပှၤဂီၢ်မုၢ်ပှၤအံၣ်စရ့လးဖိ လၢကီၢ်အဲၤကူပတူးပူၤန့ၣ်လီၤ.”