Popular Bible Verses from လံာ်တၢ်ဟးထီၣ်ကွံာ် 16

Share

ဒီးစံးဘၣ်အဝဲသ့ၣ်, “ပဆၢလၢယွၤကမၤသံတ့ၢ်ပှၤလၢကီၢ်အဲၤကူပတူးအပူၤလီၤ. အစှၤကတၢၢ်ပဆ့ၣ်နီၤဒီးအီၣ်တၢ်ဖံးတၢ်ညၣ်ဒီးတၢ်အီၣ်တၢ်အီအဂၤလၢပအဲၣ်ဒိးအီၣ်ဖဲန့ၣ်သ့ဝဲလီၤ. မ့မ့ၢ်သုဟဲကိးပှၤဆူပှၢ်မုၢ်ကနၢအံၤအပူၤဒ်သိးပကသၣ်ဝံၤလီၤဒိသံခဲလၢာ်လီၤ.” ဒီးယွၤစံးဘၣ်စီၤမိၤၡ့, “ခဲကနံၣ်အံၤ, ယကဒုးစူၤလီၤတၢ်အီၣ်တၢ်အီလၢမူခိၣ်လၢသုဝဲခဲလၢာ်အဂီၢ်လီၤ. ပှၤဂီၢ်မုၢ်ကဘၣ်ဟးထီၣ်ကိးမုၢ်နံၤဒီးပာ်ဖှိၣ်တၢ်လၢလၢလီၣ် လီၣ်လၢအနံၤဝဲန့ၣ်အဂီၢ်လီၤ. လၢကျဲဒ်သိးအံၤန့ၣ်, ယမၤကွၢ်အဝဲသ့ၣ်ဒ်သိးယကထံၣ်န့ၢ်အဝဲသ့ၣ်လၢမ့ၢ်အကပိာ်ထွဲ, မ့တမ့ၢ်တပိာ်ထွဲယတၢ်သိၣ်တၢ်သီတဖၣ်အခံဧါကသ့န့ၣ်လီၤ.

ဒီးလၢပှၢ်မုၢ်ကနၢအပူၤန့ၣ်အဝဲသ့ၣ်ခဲလၢာ်ကဒူးကဒ့ၣ်တၢ်ဆူ စီၤမိၤၡ့ဒီးစီၤအၤဟရိၣ်အအိၣ်

ဒီးစီၤမိၤၡ့စံးဝဲဒၣ်, “ယွၤမ့ၢ်ပှၤလၢကဟ့ၣ်သုတၢ်ဖံးတၢ် ညၣ်လၢသုကအီၣ်လၢမုၢ်ဟါ, ဒီးကိၣ်ပှဲၤသိးသုအဲၣ်ဒိးအီၣ်လၢမုၢ်ဂီၤအကတီၢ်န့ၣ်လီၤ. အဂ့ၢ်ဒ်အံၤ, အဝဲနၢ်ဟူတ့ၢ်သုတၢ်ကဒူးကဒ့ၣ်ထီဒါအီၤန့ၣ်လီၤ. ဖဲသုကဒူးကဒ့ၣ်ထီဒါပှၤန့ၣ်, မ့ၢ်သပှၢ်ကတၢၢ်သုကဒူးကဒ့ၣ်ထီဒါယွၤန့ၣ်လီၤ.”

ဒီးယွၤစံးဘၣ်စီၤမိၤၡ့, “ယနၢ်ဟူတ့ၢ်ပှၤအံၣ်စရ့လးဖိတဖၣ်အတၢ်ကဒူးကဒ့ၣ်န့ၣ်လီၤ. တဲဘၣ်အီၤလၢဖဲမုၢ်ဟါလီၤသံယီၢ်ယာ်န့ၣ်အဝဲသ့ၣ်ကအိၣ်ဒီးတၢ် ဖံးတၢ်ညၣ်လၢကအီၣ်ဘၣ်ဝဲ, ဒီးလၢမုၢ်ဂီၤန့ၣ်အဝဲသ့ၣ်ကအိၣ်ဒီးကိၣ်ပှဲၤသိးအအဲၣ်ဒိးဝဲန့ၣ်လီၤ. တုၤနုၤတစုအဝဲသ့ၣ်ကသ့ၣ်ညါလၢယၤ, ယွၤအံၤမ့ၢ်အဝဲသ့ၣ်အကစၢ်ယွၤန့ၣ်လီၤ.”