Popular Bible Verses from လံာ်ပှၤစံၣ်တဲၤတဲလီၤတၢ် 4

Share

ပှၤခံဂၤန့ၣ်ဂ့ၤဒိၣ်န့ၢ်ဒံးပှၤတဂၤတက့ၢ်လီၤ. အဂ့ၢ်ဒ်အံၤ, မၤသကိးတၢ်တုၤလီၤတီၤလီၤသ့ဒိၣ်တက့ၢ်လီၤ. တဂၤမ့ၢ်လီၤဃံၤဒီး, အဂၤတဂၤဝံၣ်ဆၢထၢၣ်က့ၤအီၤသ့လီၤ. ဘၣ်ဆၣ်ပှၤမ့ၢ်အိၣ်ဒၣ်ထဲတဂၤဒီးမ့ၢ်လီၤဃံၤန့ၣ်, ပှၤကမၤစၢၤအီၤတအိၣ်ဘၣ်နီတဂၤအဃိဒီးမ့ၢ်တၢ်နးဖးဒိၣ်န့ၣ် လီၤ.

တၢ်ဟဲထီဒါတမံၤလၢအမၤနၢၤပှၤအိၣ်ထဲတဂၤဧိၤန့ၣ်ပှၤခံဂၤ တြီဆၢဝဲသ့န့ၣ်လီၤ. ပျံၤပိၤအသးလၢပျံၤဖိသၢဘိန့ၣ်, တၢ်မၤတဲာ်အီၤကီလီၤ.

တၢ်မ့ၢ်ခုၣ်န့ၣ်, ပှၤခံဂၤမံသကိးဒီးလၢၤဝဲသ့လီၤ. ဘၣ်ဆၣ်ဒီးနအိၣ်ထဲတဂၤဧိၤန့ၣ်, နမၤလၢၤနသးကသ့ဒ်လဲၣ်.

ဘၣ်သ့ၣ်သ့ၣ်ကမ့ၢ်ဒ်န့ၣ်လီၤ. ဘၣ်ဆၣ်တၢ်အိၣ်ဒီးတၢ်တဆံးတက့ၢ်ဃုာ်ဒီးသးအတၢ်ဃူတၢ်ဖိးန့ၣ်, ဂ့ၤဒိၣ်န့ၢ်ဒံးတၢ်ဖံးအါမၤအါတထံၣ်ဃီလၢစုခံခီလၢာ်ဒီး တၢ်ကျဲးစၢးဖီၣ်ကလံၤတက့ၢ်န့ၣ်လီၤ.

ဘၣ်မနုၤအဃိပှၤမၤတၢ်ဆူၣ်ဆူၣ်လၢကမၤန့ၢ်မၤနၢၤတၢ်အဂီၢ်လဲၣ်န့ၣ်, ယမၤလိဃုနၢ်ပၢၢ်ယဲစ့ၢ်ကီးလီၤ. အဂ့ၢ်ဒ်အံၤ, အဝဲသ့ၣ်သးကါပှၤလၢအဃၢၤတဖၣ်အဃိလီၤ. ဘၣ်ဆၣ်တၢ်အံၤမ့ၢ်တၢ်လၢအဘျုးတအိၣ်ဘၣ်လီၤ. မၤအသးဒ်တၢ်လူၤဖီၣ်ကလံၤအသိးန့ၣ်လီၤ.

ပှၤတဂၤဂဲၤထၢၣ်လၢတၢ်ဖှီၣ်တၢ်ယာ်အပူၤဒီးကဲထီၣ်စီၤပၤလၢ အထံကီၢ်ဒၣ်ဝဲမ့ၢ်ဂ့ၤ, ဟးထီၣ်လၢဃိာ်ပူၤဒီးထီၣ်ဆူ တၢ်စိတၢ်ကမီၤအလီၢ်ပစိာ်မ့ၢ်ဂ့ၤသ့ဝဲလီၤ.