ကစၢ်ယွၤစံးဆၢစီၤၡလိၤမိၤ, “နဃုထၢတ့ၢ်လံတၢ်လၢအဘၣ်လီၤ. လၢနကဃ့တၢ်ထူးတၢ်တီၤမ့ၢ်ဂ့ၤ, တၢ်လုၢ်ဒိၣ်ပှ့ၤဒိၣ်မ့ၢ်ဂ့ၤ, တၢ်မံၤဟူသၣ်ဖျါမ့ၢ်ဂ့ၤ, နဒုၣ်ဒါတဖၣ်အတၢ်သံမ့ၢ်ဂ့ၤ, ဒီးလၢနကစၢ်ဒၣ်နဲအတၢ်အိၣ်ကၢအိၣ်ခိးအဂီၢ်မ့ၢ်ဂ့ၤ, အလီၢ်န့ၣ်နဃ့တၢ်ကူၣ်သ့ဒီးတၢ်သ့ၣ်ညါဒ်သိးနကပၢယပှၤဂီၢ်မုၢ် လၢယဒုးကဲထီၣ်နၤလၢစီၤပၤလၢအဝဲသ့ၣ်အဖီခိၣ်, ကသ့န့ၣ်လီၤ. ယကဟ့ၣ်လီၤနၤတၢ်ကူၣ်သ့ဒီးတၢ်သ့ၣ်ညါန့ၣ်လီၤ. အါန့ၢ်အန့ၣ်ယကဟ့ၣ်နၤတၢ်ထူးတၢ်တီၤ, တၢ်လုၢ်ဒိၣ်ပှ့ၤဒိၣ်, ဒီးတၢ်မံၤဟူသၣ်ဖျါအါန့ၢ်ဒံးစီၤပၤတဂၤလၢ်လၢ်လၢနမဲာ်ညါ မၤန့ၢ်တ့ၢ်မ့ၢ်ဂ့ၤ, စီၤပၤတဂၤလၢ်လၢ်လၢနလီၢ်ခံကမၤန့ၢ်ကဒီးဝဲမ့ၢ်ဂ့ၤ, န့ၣ်လီၤ.”