Popular Bible Verses from လံာ်ကွဲးနီၣ်တၢ်အခီၣ်ထံးတဘ့ၣ် 16

Share

လဲၤဆူယွၤအအိၣ်လၢတၢ်မၤစၢၤအဂီၢ်, ဒီးဘူၣ်ထီၣ်ဘါထီၣ်အီၤတပယူာ်ဃီတက့ၢ်.

ဟ့ၣ်ယွၤလၢတၢ်စံးဘျုးစံးဖှိၣ်တက့ၢ်. အဂ့ၢ်ဒ်အံၤယွၤန့ၣ်ဂ့ၤဝဲ ဒီးအတၢ်အဲၣ်အိၣ်ဝဲလီၤထူလီၤယိာ်လီၤ.

ဟ့ၣ်ယွၤလၢတၢ်စံးဘျုးစံးဖှိၣ်, ဒုးဟူထီၣ်သါလီၤအတၢ်ဒိၣ်တၢ်မုၢ်, တဲဘၣ်ပှၤကလုာ်တဖၣ်တၢ်လၢ အဝဲမၤတ့ၢ်ဝဲန့ၣ်တက့ၢ်.

သးခုလၢပဘၣ်ဃးဒီးအီၤ မ်ပှၤခဲလၢာ်လၢအဘူၣ်ထီၣ်ဘါထီၣ်အီၤသူၣ်ဖှံသးညီတက့ၢ်.

သ့ၣ်နီၣ်ထီၣ်က့ၤတၢ်မၤလီၤလးတဖၣ်လၢကစၢ်ယွၤမၤတ့ၢ်ဝဲ ဒီးတၢ်စံၣ်ညီၣ်တဖၣ်လၢအဟ့ၣ်ဝဲ

သးဝံၣ်စံးထီၣ်ပတြၢၤယွၤ, တဲတၢ်လီၤလးတဖၣ်လၢအဝဲမၤတ့ၢ်ဝဲန့ၣ်တက့ၢ်.

ယွၤန့ၣ်ဒိၣ်ဝဲ, ဒီးကြၢးဘၣ်တၢ်စံးထီၣ်ပတြၢၤအီၤဒိၣ်ဒိၣ် ကလဲာ်န့ၣ်လီၤ. အဝဲကြၢးဒိးဘၣ်တၢ်လၤကပီၤဒိၣ်န့ၢ်ဒံးကစၢ်အဂၤတဖၣ်ခဲလၢာ် လီၤ.

စံးထီၣ်ပတြၢၤယွၤအမံၤစီဆှံ, ဟဲစိာ်တၢ်မၤဘူၣ်တမံၤဒီးဟဲနုာ် ဆူအတၢ်လုၢ်ဟံၣ်တက့ၢ်. တီၤလီၤလၢတၢ်စီဆှံတဂၤအမဲာ်ညါ ဖဲအဝဲအိၣ်ဖျါထီၣ်ဝဲန့ၣ်

တၢ်လၤကပီၤဒီးတၢ်ကဟုကညီၢ်အိၣ်ဝးတရံးအီၤ, တၢ်စိကမီၤဒီးတၢ်သူၣ်ခုသးခုမၤပှဲၤအတၢ်လုၢ်ဟံၣ် န့ၣ်လီၤ.

ပှၤဟီၣ်ခိၣ်ဖိခဲလၢာ်သ့ၣ်ဧၢ, သးဝံၣ်ထီၣ်ယွၤတက့ၢ်. ဒုးဟူထီသါလီၤတၢ်ကစီၣ်အဂ့ၤလၢအဝဲအုၣ်က့ၤခီၣ်က့ၤပှၤအဂ့ၢ် န့ၣ်ကိးနံၤဒဲးတက့ၢ်.

ဒုးဟူထီသါလီၤအဝဲအလၤကပီၤဆူပှၤကလုာ်တဖၣ်, အတၢ်မၤအဒိၣ်အမုၢ်တဖၣ်ဆူကယဲၢ်ပှၤဂီၢ်မုၢ်ခဲလၢာ်န့ၣ်တက့ၢ်.

မၤဆူးမၤဆါယခ့ယပှၤလၢယဃုထၢအီၤတဖၣ်တဂ့ၤ. ထိးဘူးယဝံတဖၣ်တဂ့ၤ.

ပှၤကလုာ်ဂၤအကစၢ်တဖၣ်န့ၣ်မ့ၢ်ဒၣ်တၢ်ဂီၤတၢ်ဖီၣ်တဖၣ်လီၤ. မ့မ့ၢ်ယွၤတ့လီၤပာ်လီၤမူခိၣ်န့ၣ်လီၤ.

ကစၢ်ယွၤအတၢ်အၢၣ်လီၤအီလီၤလၢအမၤဝဲအထူအယိာ်န့ၣ်သးပ့ၤနီၣ် အီၤနီတစုတဂ့ၤ.

ဟီၣ်ခိၣ်ဒီးမူကပိာ်လိၤဧၢ, သူၣ်ဖှံသးညီတက့ၢ်. တဲဘၣ်ပှၤကလုာ်တဖၣ်လၢယွၤမ့ၢ်စီၤပၤတက့ၢ်.

စံးထီၣ်ပတြၢၤယွၤ, အံၣ်စရ့လးအကစၢ်ယွၤန့ၣ်တက့ၢ်. စံးထီၣ်ပတြၢၤအီၤခဲအံၤဒီးလီၤစိၤလီၤထီန့ၣ်တက့ၢ်. ဒီးပှၤဂီၢ်မုၢ်ခဲလၢာ်စံးဝဲ, “အၤမ့ၣ်” ဒီးစံးထီၣ်ပတြၢၤယွၤလီၤ.

ကယဲၢ်ပှၤဂီၢ်မုၢ်လၢဟီၣ်ခိၣ်ချၢခဲလၢာ်သ့ၣ်ဧၢ, စံးထီၣ်ပတြၢၤယွၤတက့ၢ်. စံးထီၣ်ပတြၢၤအလၤကပီၤဒီးအတၢ်ဒိၣ်တၢ်မုၢ်တက့ၢ်.