Popular Bible Verses from ສີງ ດສູງ 139

Share

ເຢຍ ເທສງ ເມີ່ຍ ເຫວີ່ຍ ຕສຸ ເມີ່ຍ ເຕສີ໋ຍ ເຢຍ ທສວດ ຕ້າຍ ເຜີຍ ຝູ່ ໄຫ່, ບົວະ ຮ່ອງ ໄຫ່. ເມີ່ຍ ໂຕສ໋ວ ເຍີຍ ຫຍູ່ງໆ ຕສະເກ້ງ ເຜີຍ ຝູ່ ໄຫ່. ເຢຍ ເຍີຍ ໂຮຍ້ວ ຕສຽນໆ ຮິ້ວ ຕຸ໊.

ໂອ ທິນ-ຮູ່ງ ອ່າ, ໂທ້ ຕສ້າ ໝັ່ງ ເຢຍ, ເສີຍ ເຢຍ ຢ່າ ຮິ້ວ ຕຸ໊ ເຢຍ ໂຮຍ້ວ ຮນ້ຳ ເຍີຍ ເຈົ໊າ. ໝັ່ງ ກ໋າ ຢຽມ ເຢຍ ມ່າຍ ຫາຍ ຫຍູ່ງ ເອ໊າະ ເຍີຍ ສີ່, ຢ່າ ໂທ້ ຕໍ້ ເຢຍ ຢັ້ງ ຢຽດ ລິ໌ວ ເຍີຍ ເຈົ໊າ.

ເມີ່ຍ ເຕສີ໋ຍ ຢຽມ ເຢຍ ກະຍົ໌ວ ເຍີຍ ຫຍູ່ງໆ. ຢຽມ ມາ ເຍີຍ ກະເຊຍ ເມີ່ຍ ກັ໊ບ ເຢຍ ຕ້າຍ.

ເຢຍ ເຍີຍ ຊິນ ໄມ້ ແກ້ງ ເປ໋ນ ຝັງ ເຕສີ໊ຍ, ເມີ່ຍ ເຍີຍ ມຕສີງ ຕສູ໊ງ ປວັດ ເຢຍ ໝີ່ ອ໊ະ. ເຢຍ ລ່ຽມ ໄມ້ ແກ້ງ ມ່າຍ ຢຽດ ນອມ ຮນອຍ ວົ້ວ ຕສັ່ນ, ເມີ່ຍ ເຫວີ່ຍ ເຢຍ ຕີ່ງ ຕ້າຍ ເຍີຍ ຮນອຍ-ເຫຍັຍ ຢຽດ ຕສູ໊ງ ເຟ້ຍ ຈ໊ຽນ ເມີ່ຍ ເຍີຍ ໂຊວ-ຕານ.

ໂອ ຕສ໊ຽວ ອ່າ, ເມີ່ຍ ຕສ້າ ໝັ່ງ ເຢຍ, ຢ່າ ຮິ້ວ ເຢຍ.

ເຢຍ ໄຮ່ ມີ່ງ ຫາຍ ຖສີງ ໄຮ່ ເປຢົ໋າ ດຸ໊ດ ເມີ່ຍ ເຍີຍ ສີງ ລີ່ງ? ໄຟ ເຢຍ ໄຮ່ ເປຢົ໋າ ມີ່ງ ຫາຍ ຖສີງ ເລີ່ຍ ດຸ໊ດ ເມີ່ຍ ເຍີຍ ຮມຽນ?

ເຢຍ ເຕສວີ໌ຍ ເອຈ່ຍ ໄຟ ເຈ໌ຍ ຊິນ ເມີ່ຍ ຮິ້ວ ເຍີຍ. ເມີ່ຍ ຢຽມ ໂກ ເຍີຍ ຕ໋ອງ ຮິ້ວ ຕຸ໊ ເຢຍ ເຍີຍ ໂຮຍ້ວ ຮນ້ຳ ເຍີຍ ເຈົ໊າ.

ໂອ ຕສ໊ຽວ ອ່າ, ເຢຍ ລ່ຽມ ໄມ້ ແກ້ງ ກ໊ອງ ທສວດ ຢຽດ ໂຈ໋ວ ຫວ່າ ເມີ່ຍ ຕສູ໊ງ ຮິ້ວ ເດສ່ງ ໝີ່ ອ໊ະ.

ເຢຍ ເປັຍ ທສວດ ໄຟ ເປວີ໋ຍ ເອຈ່ຍ ເມີ່ຍ ໝັ່ງ ໝ່ວນ ເຍີຍ, ຢ່າ ຮິ້ວ ໂຖວ ເຢຍ ໂຕສ໋ວ ເຍີຍ ຢຽດ ຕສູ໊ງ ເຈົ໊າ.