Popular Bible Verses from ດສ່ຳ ເລີ໌ຍ-ຫລັດ 30

Share

ເຢຍ ອີ້ ຮນອຍ ເຫ່ວ ລູ່ງ ເຖສົາ ເດົາ ເຖງ ເມີ່ຍ ບົວ ໂຕສ໋ວ ຕສອງ-ເຕສ໋ງ, ເຢຍ ປຸນ ເມີ່ຍ ບົວ ມ່າຍ ຖຈັງ ກິ໊ນ ອ໋ອຍ ຕສຢັ້ງ ໄຟ ໄຕ່, ອ໋ອຍ ຕຸ໊ ຟຸ ໄຟ ຕສຸ ຕສ໋ຽວ. ອີ້ ຕສັ່ນ ອ໋ອຍ ຕສຸ ກິ໊ນ ເມີ່ຍ ບົວ ອ໋ອຍ ຕຸ໊ ຕສຢັ້ງ ຈ໊ຽນ ເຫວີ່ຍ ປຸນ ເມີ່ຍ ບົວ ເຍີຍ ເຕສີ໊ຍ-ຟຸນ ໄຮ່ ຕຸ໊ ຕສຢັ້ງ ຈ໊ຽນ, ຢ່າ ຮນ້ຳ ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ, ໝວັງ ນິ່ນ ເຍີຍ ຫວ່າ, ເຂົາ ວ້ວນ ນິ່ນ. ຮນັ້ງ ໜ່າຍ, ເມີ່ຍ ບົວ ເຖສົາ ເມີ່ຍ ບົວ ເຍີຍ ເຕສີ໊ຍ-ຟຸນ ຕຸ໊ ຕສຢັ້ງ ສ່ຽວ ຍ່ວນ ດ໊າວ ຢຽມ ຕສ໊ຽວ ໂຮ້ວ ຈ໊ຽນ ອ໋ອຍ ປຸນ ເມີ່ຍ ບົວ ເຍີຍ ອົງ-ຖາຍ, ອັບ​ລາ​ຮຳ, ອີ​ສັກ ເຖສົາ ຢາ​ໂຄບ ວົ້ວ ນອມ ເຕີ່ຍ-ປູງ.

ເຊ ກ໊ອງ ເມີ່ຍ ບົວ ເອີຍ ຈ໊ຽນ ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ ເຍີຍ ຫວ່າ, ຕົ້ງ ເຢຍ ອີ້ ຮນອຍ ຫັດ ເມີ່ຍ ບົວ ເຍີຍ ຫວ່າ, ຮນ້ຳ ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ, ຢັ້ງ ນິ່ນ ເຍີຍ ໂຕ໌, ກັນ ຫລົງ ນິ່ນ ເຍີຍ ເລີ໌ຍ-ຫລັດ ເຖສົາ ຫລີ່ງ ເຖສົາ ເລີ໌ຍ, ເມີ່ຍ ບົວ ຕສ່ຽວ ຕຸ໊ ຕສຢັ້ງ ຈ໊ຽນ ຢ່າ ຫຮຢາງ ຈ໊ຽນ ຝາວ. ເມີ່ຍ ບົວ ຕຸ໊ ເປັຍ ມີ່ງ ຢຽມ ຈ໊ຽນ ອ໋ອຍ ເປ໋ນ ເມີ່ຍ ບົວ ເຍີຍ ປ່ວນ ວົ້ວ ນອມ ເຕີ່ຍ-ປູງ ວົ້ວ ຕສັ່ນ, ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ, ອ໋ອຍ ເຖສີຍ ຟຸ ປຸນ ເມີ່ຍ ບົວ.

ໝັ່ງ ມ່າະ! ເຢຍ ອີ້ ຮນອຍ ປຸນ ເມີ່ຍ ບົວ ມ່າຍ ຖຈັງ ກິ໊ນ ອ໋ອຍ ມ່າຍ ແໝ່ງ ຕສຢັ້ງ ໄຟ ໄຕ່, ຕຸ໊ ຫລົງ ໄຟ ຕຸ໊ ທສ້ຽວ.

ວົ້ວ ເຕີ໋ຍ ເລີ໌ຍ-ຫລັດ ເຖສົາ ເມີ່ຍ ບົວ ຢຽມ ນ້າຍ, ຕສູ໊ງ ຢຽມ ເມີ່ຍ ບົວ ເຍີຍ ດສຸ້ຍ ຢ່າ ຢຽມ ເມີ່ຍ ບົວ ເຍີຍ ໂຮຍ້ວ ເຫວີ່ຍ ປຸນ ເມີ່ຍ ບົວ ເອີຍ ຈ໊ຽນ ໂຕສ໋ວ.

ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ, ອ໋ອຍ ຈ໊ຳ ເມີ່ຍ ບົວ ເຖສົາ ເມີ່ຍ ບົວ ເຍີຍ ເຕສີ໊ຍ-ຟຸນ ເຍີຍ ໂຮຍ້ວ, ປຸນ ເມີ່ຍ ບົວ ຫລົ່ງ ເດສ່ງ ໂຮຍ້ວ, ຫລົ່ງ ເດສ່ງ ຕສະເອີ໋ຍ ຮນ້ຳ ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ, ເຫວີ່ຍ ປຸນ ເມີ່ຍ ບົວ ຕຸ໊ ຕສຢັ້ງ ຈ໊ຽນ.

ຕສ໊ຽວ, ເມີ່ຍ ບົວ ເຍີຍ ທິນ-ຮູ່ງ, ອ໋ອຍ ປຸນ ເມີ່ຍ ບົວ ໂຕສ໋ວ ເຍີຍ ຫຍູ່ງໆ ກົງ ຕຸ໊ ຫລົງ, ປຸນ ເມີ່ຍ ບົວ ຕຸ໊ ຝຸຈ໊ວຍ ທສ້ຳ, ຕຸ໊ ແຊງ-ຄູ້ ທສ້ຳ, ປຸນ ເດົາ ທສວດ ແກງ-ຕສວັ໋ງ ຫລົງ. ຕສ໊ຽວ ແອ໋ງ ອ໋ອຍ ອະເຮນີ້ຍ ເມີ່ຍ ບົວ, ປຸນ ເມີ່ຍ ບົວ ຕຸ໊ ຫລົງ, ຮນັ້ງ ນິ່ນ ອະເຮນີ້ຍ ເມີ່ຍ ບົວ ເຍີຍ ອົງ-ຖາຍ ນໍ.

ມປ່າ ເຊ ກ໊ອງ ເມີ່ຍ ບົວ ໂຮຍ້ວ ແຫງ່ງ, ໄມ້ ຄັ້ງ ໝວັງ ຕສ໊ຽວ, ຕສ່ຽວ ຕສຸ ດົ໊ວ ມີ່ງ ຟູ-ສູ ຕສັ່ງ ເຫຍ່ຍ ເຍີຍ ຕສ້ຽນ, ອີ້ ຮນອຍ ເຢຍ ເມ່ງໆ ເຍີຍ ຕສຸ້ນ ບົ໋ວ ເມີ່ຍ ບົວ, ເມີ່ຍ ບົວ ດົ່ງ ຫາຍ ຕສູ໊ງ ອ໋ອຍ ຕສຸ ໝຽດ. ເມີ່ຍ ບົວ ເຈ໋ຍ ຈໍ​ແດນ ດ້າຍ ເປັຍ ອ໋ອຍ ເປ໋ນ ເມີ່ຍ ບົວ ເຍີຍ ປ່ວນ ວົ້ວ ນອມ ເຕີ່ຍ-ປູງ ເມີ່ຍ ບົວ ໄມ້ ຕຸ໊ ຕສຢັ້ງ ເລົ່າ.

ເຢຍ ອີ້ ຮນອຍ ຫັດ ເມີ່ຍ ບົວ ເຍີຍ ເລີ໌ຍ-ຫລັດ ເຊ ໄມ້ ເຕສີ໌ຍ ເຫວີ່ຍ ເມີ່ຍ ບົວ ອະ ເຈ໋ຍ ດ່າງ, ຢ່າ ໄມ້ ເຕສີ໌ຍ ເລີ່ຍ ເມີ່ຍ ບົວ ໂກ.

ເຊ ໄມ້ ເຕສີ໌ຍ ຢຽມ ກູ້ ຫງວ່າຍ ລູ່ງ ເມີ່ຍ ບົວ ຕສ່ຽວ ກ໊ອງ, “ຫາຍ ເຕົ້າ ອ໋ອຍ ຝາວ ລູ່ງ ເຖງ ເຢຍ ບົວ ເຕສ໊າະ ເອຈ່ຍ ແອ໋ງ ຕສຸ້ນ ປຸນ ເຢຍ ບົວ ໝວັງ ຢ່າ ເອີຍ ຈ໊ຽນ ໂຕສ໋ວ?”

ນ້າຍ ເຕີ໋ຍ ເລີ໌ຍ-ຫລັດ ຢ່າ ໄມ້ ເຕສີ໌ຍ ຢຽມ ວົ້ວ ຫງ່ານ ຕສິ ຄ້ອຍ ຕສ່ຽວ ອ໋ອຍ ຕສຸ ໜ່າຍ, “ຫາຍ ເຕົ້າ ອ໋ອຍ ເຈ໋ຍ ຄ້ອຍ ມີ່ງ ເຖງ ເຢຍ ບົວ ເຕສ໊າະ ຕ້າຍ ແອ໋ງ ຕສຸ້ນ ປຸນ ເຢຍ ບົວ ໝວັງ ຢ່າ ເອີຍ ຈ໊ຽນ ໂຕສ໋ວ?”