Popular Bible Verses from Openboarunk 19

Share

Lot ons froo sennen un freien un am Iea jäwen; dan de Kjast von daut Laum es jekomen, un siene Fru haft sikj reed jemoakt.

Un hee drajcht opp sien Kjleet un opp siene Hoft eenen Nomen jeschräwen: Kjennich äwa de Kjennichs un Har de Haren.

Un ekj sach dän Himmel opstonen, un kjikj, een wittet Pieet, un dee doa bowen saut (sett), [jenant] Tru un Woarhauftich, un hee recht un fieet Kjrich en Jerajchtichkjeit.

Oba siene Uagen sent eene Fiaflaum, un opp sienem Haupt sent väle Kroonen, un hee drajcht eenen Nomen jeschräwen, dän kjeena kjant, aus blooss hee selfst; un hee es jekjleet met een Kjleet daut en Bloot jedukt wia, un sien Nomen heet: Daut Wuat Gottes (daut Gotteswuat).

Un ut sienem Mul jeit rut een schoapet, [tweeschniedjet] Schwieet, om daut hee doamet de Velkja schleit; un hee woat an weiden met eene iesane Wäd (Iesastang); un hee klunjt de Wienprass vom grollenden (rietenden) Oaja Gottes, vom Aulmajchtjen.

Un daut Tia wort jejräpen un de faulsche Profeet, dee met am wia, dee de Tieekjen ver am deed, derch dee hee - dee veleid, dee daut Moltieekjen von daut Tia aunjenomen hauden un dee sien Bilt aunbäden; läwendich worden dee beid en dän Fiasee jeschmäten, dee met Schwäwel brent.