Popular Bible Verses from Spricha 22

Share

Ertrakj däm Bocha (kjlienen Jung) opp sienem Wajch; hee woat nich doavon gonen, uk nich wan hee oolt woat.

De Folj de Deemoot, un de Forcht Gottes, es Rikjtum un Iea un Läwen.

Een gooda Nomen es wieetvolla aus grootet Rikjtum, Leeftol bäta aus Selwa un Golt.

Lot die nich en met eenem Oajalichen, un go nich om met eenem hetzjen Maun

Wäa een gootmeenendet Uag haft, dee woat jesäajent woaren; dan hee jeft von sienem Broot däm Oamen.

De Kluaka sitt daut Onjlekj un vestakjt sikj; oba de Eenfeltje gonen stroofliedent wieda.

De Rikja harscht äwa däm Oamen, un de Lieenda es een Kjnajcht vom Lieenden.

Rikje un Oame bejäajnen sikj: De Har haft dee aula jemoakt.

Beroow nich däm Oamen, wiels hee oam es, un unjadrekj nich däm Älenden em Dooa. Dan de Har woat äare Rajchtsache fieren, un äare Beroowa daut Läwen beroowen.