Popular Bible Verses from Jesaja 66

Share

Haft doch miene Haunt dit aules jemoakt, un dit aules es jeworden, sajcht de Har. Oba opp disem well ekj kjikjen: Opp däm Älenden un däm, dee doljedrekjtem Jeist es un dee doa zettat ver mienem Wuat.

Soo sajcht de Har: De Himmel es mien Troon, un de Ieed miene Footbenkj. Waut fa een Hus, well jie mie dan buen, un woa es de Uat doa ekj ruen saul?

Aus eenen, däm siene Mutta treest, aulsoo woa ekj junt treesten; un en Jerusalem sell jie jetreest woaren.

Dan aus de niee Himmel un de niee Ieed, dee ekj moak, ver mie bestonen, sajcht de Har, aulsoo woat jun Somen un jun Nomen bestonen.