Popular Bible Verses from Jesaja 60

Share

Sto opp, un woa Licht! Dan dien Licht es jekomen, un de Harlichkjeit Gottes es äwa die oppjegonen.

Un Nazionen woaren no dienem Licht hangonen, un Kjennichs nodäm Glauns von dienem Oppgank.

Dan kjikj, Diestanis bedakjt de Ieed un Dunkel de Velkja; oba äwa die jeit de Har opp, un siene Harlichkjeit schient äwa die.

De Kjlansta woat too 1 000 woaren, un de Jerinjsta to eenem jewaultjen Volkj. Ekj, de Har, woa daut to siene Tiet schwind utfieren.

De Sonn woat die nich mea Äwadach toom Licht sennen, noch toom schienen de Mon; sonda de Har woat die toom eewjen Licht sennen, un dien Gott too diene Veharlichunk.

Diene Sonn woat wiedahan nich mea unjagonen, noch dien Mon sikj trigjtrakjen; dan de Har woat die toom eewjen Licht sennen. Un de Truadoag woaren een Enj ha.

Dan woascht du daut seenen un fa Freid strole, un dien Hoat woat kloppen un wiet woaren; dan daut Mäa met äare Menj woat sikj no die dreien, daut Rikjtum de Nazionen woat no die komen.

Häw diene Uagen opp un kjikj omhäa! See aula vesaumlen sikj, komen no die: Diene Säns komen von wiet häa, un diene Dajchta woaren oppe Henj doahan jedroacht.

Un dien Volkj, see aula woaren Jerajchte sennen, woaren daut Launt opp eewich besetten, see, een Auflaja von miene Plaunten, een Woakj von miene Henj, to miene Veharlichunk.

Maun woat wiedahan nich mea von Jewault en dienem Launt hieren, von Schoden un Vetrimrunk en diene Jrensen; sonda diene Mia woascht du Heil nanen, un diene Dooasch Riem.

Un diene Dooasch woaren emma op stonen; Dach un Nacht woaren see nich toojeschloten woaren, om no die däm Rikjtum de Nazionen to brinjen un äare wajchjefieeden Kjennichs.

Eene Menj Kameelen woat die bedakjen, junge Kameelen von Midian un Efa. See woaren aula toop ut Scheba komen, Golt un Weiruak brinjen, un see woaren daut Loff Gottes froo vekjindjen.

Un de Framde Säns woaren de Mia buen, un äare Kjennichs die bedeenen; dan en mienem Jrim ha ekj die jeschloagen, oba en miene Jnod ha ekj mie äwa die erboarmt.

Enne Städ daut du veloten wieescht un jehaust, un kjeena doaderch jinkj, well ekj die toom eewjen Stolt moaken, too Pracht von Jeschlajcht too Jeschlajcht.

Un du woascht de Malkj de Nazionen sue, un aun de Kjennichsbrost sue; un du woascht erkjanen, daut ekj, de Har, dien Rada sie, un ekj, de Majchtja von Jakob, dien Erleesa.