Popular Bible Verses from 1. Mose 27

Share

Un Gott woat die jäwen vom Himmelsdeiw un von de Fatichkjeit de Ieed, un de Menj von Jeträajd un jungen Wien! Velkja sellen die deenen un Nazionen sikj ver die bekjen! Sie Har äwa diene Breeda, un ver die sellen sikj bekjen de Säns von diene Mutta! Wäa die flucht, es veflucht, un wäa die säajent, es jesäajent!

Doa säd hee: Es daut nich, wiels maun am däm Nomen Jakob jejäft, un hee mie twee Mol äwalesticht haft? Mien Ieeschtjeburtsrajcht haft hee wajchjenomen, un kjikj, nu haft hee mienen Säajen wajchjenomen! Un hee säd: Hast du fa mie kjeenen Säajen jehoolen?

Doa auntwuad sien Voda Isaak un säd to am: Kjikj, onen fatem Ieedboddem woat diene Wonsett sennen un onen Himmelsdeiw von bowen häa. Un von dienem Schwieet woascht du läwen, un dienem Brooda woascht du deenen; un daut woat passieren, wan du die loosmoakst, woascht du sien Joch von dienem Hauls vebräakjen.

Un Esau säd to sienem Voda: Hast du blooss disem eenen Säajen, mien Voda? Säajen mie, uk mie, mien Voda! Un Esau hoof siene Stemm un hield.