Popular Bible Verses from 2. Mose 7

Share

Un de Har säd to Moses: Kjikj, ekj ha die däm Farao toom Gott jesat, un dien Brooda Aaron saul dien Profeet sennen.

Un ekj well daut Hoat vom Farao hoat moaken un miene Tieekjen un miene Wunda em Ägiptenlaunt vemieren. Un de Farao woat nich opp junt hieren; un ekj woa miene Haunt aun Ägipten lajen un miene Häasch, mien Volkj, de Kjinja Israel, ut däm Ägiptenlaunt rutfieren derch groote Jerechten.

Un de Ägipta sellen erkjanen, daut ekj Gott sie, wan ekj miene Haunt äwa Ägipten utstrakj un de Kjinja Israel ut äare Medd rutfieren woa.

Doa roopt de Farao de Weise un de Zaubra; un uk see, de ägiptische Woasaja, deeden aulsoo met äare Zaubakonste, un een jiedra schmeet sienen Stock han, un dee worden too Schlangen; oba Aaron sien Stock veschlunk äare Stakj.

Soo sajcht de Har: Doaraun saust du erkjanen, daut ekj Gott sie: Kjikj, ekj well met däm Stock, dee en miene Haunt es, oppem Wota schlonen, daut em Stroom es, un daut woat en Bloot vewaundelt woaren.

Wan de Farao to junt räden un sajen woat: Doot een Wunda fa junt! Soo saust du too Aaron sajen: Nemm dienen Stock un schmiet am han ver däm Farao; hee saul too eene Schlang woaren. Un Moses un Aaron jinjen nom Farao nenn un deeden aulsoo, aus Gott befoolen haud; un Aaron schmeet sienen Stock han ver däm Farao un ver siene Kjnajchts, un hee wort ne Schlang.