Popular Bible Verses from 2. Mose 17

Share

Un daut passieed, wan Moses siene Haunt opphoof, soo haud Israel de Äwahaunt, un wan hee siene Haunt ruen leet, soo haud Amalek de Äwahaunt. Un Moses siene Henj worden schwoa. Doa neemen see eenen Steen un läden däm unja am, un hee sad sikj doanopp; un Aaron un Hur unjastäten siene Henj, hia eena un doa eena; un soo wieren siene Henj faust, bat de Sonn unjajinkj.

Kjikj, ekj well doa selfst ver die stonen opp däm Fels aum Horeb; un du saust opp däm Fels schlonen, un daut woat Wota ut däm seljen rutkomen, daut et Volkj drinkjt. Un Moses deed aulsoo ver de Uagen de Eltestasch Israels. Un hee jeef däm Uat däm Nomen Massa un Meriba, wäajen däm Zanken de Kjinja Israel un wiels see däm Harn vesocht hauden, endäm see säden: Es de Har en onse Medd ooda nich?