Popular Bible Verses from Liera 9

Share

Aules, waut diene Haunt errieekjen mucht, daut doo en diene Krauft! Dan daut jeft noch Doonen, noch Äwalajunk, noch Kjantnis, noch Weisheit em Scheol, wuahan du jeist.

Ekj dreid mie un sach unja de Sonn, daut nich däm Haustjen daut Ranen jehieet, un nich däm Held de Kjrich, un uk nich däm Weisen daut Broot, un uk nich däm Vestendjen daut Rikjtum, un uk nich däm Weetenden de Gonst; dan Tiet un Schekjsol traft an aulen.

Jeneet daut Läwen met de Fru, dee du leefst, aule Doag en dienem iedlen Läwen, daut hee die unjre Sonn jejäft haft, derch aul diene iedle Doag; dan daut es dien Deel aum Läwen un aun diene Mieej, met waut du die aufjemieecht hast unja de Sonn.

Go, at dien Broot met Freid un drinkj dien Wien met een schaftjet Hoat; dan lenjst haft Gott Wooljefaulen aun dienem Doonen.

Weisheit es bäta aus Kjrichsjereetschoft; oba een Sinda venicht väl Goodet.

Wieed de Weise, en Ru jehieet, sent mea wieet aus daut Jeschrecht de Harscha unja de Noaren.

Dan de Läwendje weeten, daut see stoawen woaren; oba de Doodje weeten goa nuscht, un see ha kjeenen Loon mea, dan äa Aundenkjen es vejäten.