Popular Bible Verses from Liera 5

Share

Sie nich too schwind met dienem Mul, un dien Hoat saul sikj nich spooden, een Wuat ver Gott väatobrinjen; dan Gott es em Himmel, un du best oppe Ieed: Doarom sellen diene Wieed weinich sennen.

Uk es fa jiedrem Mensch, däm Gott Rikjtum un Jeeda jejäft, un däm hee de Macht jejäft haft doaräwa sikj too freien un sien Deel too nämen un sikj bie siene Mieej too freien, dan daut es eene Gow Gottes. Dan hee woat nich väl aun de Doag en sienem Läwen denkjen, dan Gott auntwuat opp de Freid en sienem Hoaten.

Wäa daut Jelt leeft, woat vom Jelt nich saut; un wäa daut Rikjtum leeft, haft kjeen Jewenst. Uk daut es Eitelkjeit.

Bewoa dien Foot, wan du nom Hus Gottes jeist; un noda kjemst, om to hieren, es bäta, aus wan de Noaren Schlachtopfa brinjen: Dan see ha kjeene Erkjantnis, soo daut see Beeset doonen.

Wan du Gott een Vespräakjen deist, soo siem nich, daut to betolen; dan hee haft kjeen Jefaulen aun de Noaren. Waut du vesprakjst, betol.

Bäta, daut du nich vesprakjst, aus daut du vesprakjst un nich betolst.

De Schlop de Oabeida es seet, auf hee weinich ooda väl at; oba de Äwafluss vom Rikjen lat am nich schlopen.

Soo aus hee ut däm Muttalief jekomen es, woat hee noaktich wada hangonen, aus hee jekomen es; un fa siene Mieej woat hee nich daut jerinjste doavon droagen kjeene.