Popular Bible Verses from Maliko 1

Share

Muluchelo-chelo ubushiku bwakonkelepo, Yesu alibukile nokufuma munanda. Afumine mumushi nokuya enka kumpanga mukulomba kuli Lesa.

Asosele ati, “Inshita yafika, nobufumu bwaku Lesa bwapalamina. Pilibukeni imitima nokuchetekela mu Butumi Bwawama!”

Ulo afumine mumenshi, Yesu abwene kumulu kwayisuka, no Mupashi Wabuta uwapalile ukubati ninkunda wayikele pali Ye. Neshiwi lyafumine kumulu lyasosele ati, “Webo uli Mwana wanji uwatemwekwa. Muli we emo nkosekelela.”

Nebo nkomubatisha namenshi, kuntu Ye akwisa kumubatisha ku Mupashi Wabuta.”

Elo Yesu asosele kuli bo ati, “Nkonkeni, pakuti nkoyisa kumutala abalofi babantu.” Bwangu-bwangu balishile amasumbu abo nokumukonka.

Abantu abamumfwileko balishimbilwe pakusambisha kwakwe, pakuti alikusambisha umo abelele nensambu. Tali kubati basambishi ba Mafunde iyowo.