Popular Bible Verses from Apocalipsis 3

Share

Nuwara'a tachawa eta vikachanerakaka'i. Waipa ekuevuisi'a eta nuye'e. Íchu'anuware. Viápechawa viwapinawa eta véchejirisirawaparakayare.

Nuti nimati'i eta pichakeneana'i. Necha'iware eta apaesasajiruvichu'i, wa'i yátupina'ini pisuapanu'ini. ¡Tiuripana'ini yátupina'ini pisuapanu, te wa'ipukasera yátupina'iseraini wa'i pikusuapanu'ini! Étasera eta apaesasajiruichu'i eta é'isiranu'i, tási'a wa'i yátupina'ini, eta taka'e nukaerajika'enapa te numira'u.

Nuti netupirikaya eta napanereruana namutu ena némunaruana te náejekapawa. Éñauchawaware, apaesa takuija ekuichirawaina.

Nuti nímati eta píchakeneana'i eta pikaemataneasiranu'i, pima'a, te pimira'u núnaka'i eta tapaja najinasera narata'a naerataka'ini, wa'ichu'ineni pawayuchawa'ini eta pitumewaina'ini, pisuapa'isera eta nechejiriruwa wa'iware peñaucha'ini eta nijare.

Emutu eti ekamichana'i, ímiyanawa'iware eta é'isiranu'i, nuti nukaejaka'ewakayare te néjasi'ayare, takutiyare eta néjasira'i maye'e ema Tata, taicha eta nétumechirawa'i nukamichira'i tamutu.

Taicha piti pimijachawa'i pikaima'akene'i tájina pichirawaina'ini, tájinaware pákamunu'ini. Wá'isera pipanerechawa'ini ichapemuri'i eta pijapanurawa'i, tajina'ineni pima'akenena'ini, piti'ineni pikaijare páurevi, púchukivi'i, mamuriarevi'i.

Piti, pítaucha'i eta nuwanairipi eta pikamichiraya tamutu, eta taka'e, nujaneakaviya nuti apaesa wa'i takuimive'avi te táitekapapa eta natajiwanayare namutu ena achaneana táwapa'iana'i te juka apake'e.

Tiáne'ipa eta nuchaviraya. Petumechawaya eta pé'isira'i, machu pémepurureka pijakapirayare eta píkuchi'i.

Pikuneuchawayare apaesa wa'i pikuemitiaka eta pé'isiranu'i. Taicha nímararaka'i nuti wa'i tátupiruwa'ini eta pisamure, eta pikaemataneasira'i ema Tata.