Popular Bible Verses from Apocalipsis 20

Share

Tasi'a etapa ánaki, nakakijiya'i ena tájina'i takaju'ini eta náijarena, taye'e eta Ajureka máitawakaka.

Tási'a níma'awarepa namutu ena náepenakeneanaini, ena amaperuana, énapa ena ichanaruana, namutu titupi'ana'i te mamira'u ema Viya téjaka'i te trono, tási'a tatiari'i eta libro tiama eta najukunana ena náitareruanaya. Tatiari'iware eta apamuriana libro takajuiya'i eta náichawakenewana'i ena achaneana.

Ena naeriruana'i te ichape une, téchepukanapa namutu eta nachanewana, kayesesere'ianainapa te mamira'u Viya, tamutu eta naichakeneana'i tamaurikeneana te achaneanaicha'a'i, etapa najachapi'ayare eta náikuñayare. Eta nakaikuñaiya'i eta táijurekene yuku, táetiraraisina eta tamuruira. Tamutu eta juka maitawakakainapa eta náepeniraya.

Níma'awarepa eta ichapekene trono tijapu, tási'a téjaka'i ema Viya taye'e. Eta nímararasira'i ema, nukamitiakapa. Waipa necha távi'apuka návi'a'i té'epuka anuma, té'epuka apake'e.

Te táekenenapa eta mil añu, tiúchukainawarepa ema Wínaraji taye'e eta makaerataiya'i, tási'a tiuchukainapa, tépanawainapa tikaetemarerekayare naye'e ena achaneana te tamutu awasareana. Étaipa eta apinakene awasare tikaijare Gog étapa eta Magog, makaetemaresi'ayare. Tási'a, tikurujikakanainapa ena naye'eana ejército. Tétavikawainapa eta nasimutuwayare takutiyare eta tawaparu te ichapeama une.