Popular Bible Verses from Apocalipsis 16

Share

“Nuti, tíja'uchawaya eta nítekapauchira'eyare eti. Wá'isera tánekapakarema'i eta nítesira, eta taka'e, tétavikawa eta iúrikakarewaya te ekunewa'i, machu ímakariana eta nuchimapira'eyare, etsiri'akareipa.”

Ema apana ángele máepusaikawarepa eta makarataru'i taye'e eta ichapekene kajakure Éufrates. Taka'e, eta kajakure tiájikupa, apaesa nánuku'a ena akenukana tiási'ana'i te tinapaika eta táuchusine eta sache.

Ena'i ena nachanewana ena ereanana, ena tíchana'i eta tiáramikareana tawayuarakiana'i naye'e ena akenukana te tamutu awasareana, nawaraira'i nakurujikawakayare, eta nae'akakairayare'i te taitekapapa eta jena sache masachera ema Viya máitupajijiakawakene'i.

Tási'a, níma'awakapa ena mapanakeneana tikaetemara'iana'i, eta Ichape kichare, eta Útsutsure, émapa ema Falso Profeta, tiájajakana'i ena, te najaka, tiúchuka'i eta mapana eta tawásiyareni eta warutete.

Tási'a táijuchawakapa ena achaneana, taetaviuchapa eta taijurewa'i. Wá'ikenesera náeñauchawa'ini, wá'iware náwara'a'ini náesenika'ini ema Viya, nawayuchaichucha eta nasemanewa'i. Nakajachapa ema Viya, ema tikawanairipipa eta ekuñarakiana.

Taka'e, tiyanapa ema tínapuka ángele. Máepusaikapa te apake'e eta ekuñaraki tiávi'a'i te escudilla, tási'a ena achaneana tiámana'i eta maikutiara ema útsutsure, táichavene'i eta natsiusira'i eta máima'i nasiñaraji'i, témuna'irikawapa táuchuakawaka ena eta caracha tikajachakarepa tijecheware, takutiyaréni eta espuntiu.

Taka'e, ena mapanakeneana éreanana nakurujikapa ena akenukana énapa ena nasuntarurana taye'e eta wáma'i tikaijare Harmagedón te náechejiriruwa ena israelitana.